Në Teatrin Kombëtar u mbajtën homazhet e lamtumirës për aktorin, regjisorin dhe dramaturgun Naun Shundi. Ai humbi jetën paraditen e kësaj të enjteje, në moshën 66 vjeçare, ndërsa miq, kolegë dhe të afërm e kanë nderuar përmes homazheve.
Dashurinë për skenën e teatrit, Shundi e tregoi me një gjest të rrallë, krijimin e një teatri privat në oborrin e shtëpisë së tij, të quajtur “Zonja e Bujtinës”. E bija rrëfen sakrificat e artistit dhe shfaqjen e lënë në mes “Il commissario daltonico a teatro” (Komisari daltonik).
“Edhe pse iku la diçka, dhe ajo që la është ‘Zonja e Bujtinës’, la jetën për atë teatër. Mjekët nuk na e thanë dot që babi do të vdiste, askush nuk na e tha. Ai mendoi se do të jetonte. Iku pa na thënë asnjë fjalë. Babain e hëngri kanceri nga brenda. Babi po përgatitej për një shfaqje po nuk e përfundoi.”
Ish-kolegë dhe bashkëpunëtorë, e cilësuan një artist të rrallë, fisnik e modest që i dha aq shumë artit shqiptar.
“Sot është një dhimbje dhe trishtim i madh për të gjithë publikun shqiptar që e ndoqi me duartrokitje artin e tij. Nauni jo vetëm si artist universal, regjisor, aktor, dramaturg, por edhe si burrë fisnik që ishte ka lënë mbresa tek ne. Ishte nga këta artistët e mëdhenj, kokë ulur dhe modeste, që asnjëherë nuk i ra gjoksit që “jam unë”, por vepra e tij, puna dhe talenti i tij vlerësoheshin gjithandej”, shprehet Bujar Asqeriu.
Naun Shundi u nda nga jeta pas një beteje me një sëmundje të rëndë, në ambientet e QSUT në Tiranë ku ndodhej prej disa ditësh, pas kthimit nga Franca, ku u nis për kurim të specializuar. Të shumtë ishin shqiptarët që u bënë bashkë, me kontributet e tyre, artdashës, kolegë ndërsa Ministria e Kulturës miratoi një fond të posaçëm, për kurimin e tij.
Aktori i njohur Bujar Kapexhiu gjatë homazheve për Naun Shundin tha për mediat se ai ishte një njeri i rrallë dhe i mrekullueshëm, teksa nga ana tjetër vlerësoi punën dhe dashurinë e tij për teatrin.
“Naun Shundi një aktor i shkëlqyer i skenës dhe ekranit shqiptar. Një njeri i mrekullueshëm dhe një shok i rrallë. Gjithë jetën ia kushtoi teatrit dhe arriti suksese jo vetëm si aktor, por edhe si dramaturg. Pasioni i tij për teatrin bëri që te ndërtonte vet një teatër. U bë shkaku për t’u rritur filizat e rinj të artit shqiptar. Iku nga kjo jetë shumë shpejt, por ka lënë gjëra që do të jenë një shkollë në artin e teatrit dhe kinematografisë. Qoftë i përjetshëm kujtimi i tij”, tha Bujar Kapexhiu.
Vajza e aktorit Naun Shundin e pikëlluar dhe me lot në sy në një prononcim për mediat u shpreh se ai iku nga kjo botë pa u thënë asnjë fjalë.
"Edhe pse iku, la diçka. Ajo që la është teatri ‘Zonja e Bujtinës’ dhe kushdo që të jetë në këtë vend të shkojë dhe të bëjë diçka. Teatri i Zonja e Bujtinës, la jetën për atë teatër. Iku jeta pa thënë dot atë që duhej. Jam e sigurt që ka njerëz që nuk i thonë do gjerat. Mjekët nuk na i thanë dot që ‘babi do vdesë’. Dhe ai mendoi se mbase do të jetonte. Iku dhe nuk foli dot një llaf. Ai teatër është për të gjithë. Unë nuk jam aktore, jam vetëm vajza e tij. Kushdo të shkojë dhe të flasë dhe të thotë të vërtetën, nuk e thotë njeri të vërtetën më. Ai e thoshte dhe vdiq, e hëngri kanceri nga brenda. Ai ka lënë nga prapa shumë njerëz që e duan dhe e dëgjojnë. Këta njerëz të vijnë dhe të thonë diçka, të vazhdojnë me të drejtën", tha Rea Shundi.
Aktori Naun Shundi, një nga emrat më të spikatur të skenës dhe ekranit shqiptar, u përkujtua me respekt dhe nderim nga aktori i njohur Bujar Asqeriu.
Ai e cilësoi Shundin si një figurë universale në artin shqiptar dhe një njeri modest.
“Sot është një dhimbje dhe trishtim i madh për të gjithë publikun shqiptar që e ndoqi me duartrokitje artin e tij. Nauni jo vetëm si artist universal, regjisor, aktor, dramaturg, por edhe si burrë fisnik që ishte ka lënë mbresa tek ne. Ishte nga këta artistët e mëdhenj, kokë ulur dhe modeste, që asnjëherë nuk i ra gjoksit që “jam unë”, por vepra e tij, puna dhe talenti i tij vlerësoheshin gjithandej.
Rruga e tij artistike është një rrugë që duhet ndjekur, sidomos nga të rinjtë, sepse ai la mesazhe paqe, dashuria dhe artistike në komunitetin artistik. I paharruar emri dhe puna e artistit të madh shqiptar Naun Shundi”, tha për gazetarët Asqeriu.
Komente
ngushellime familjes...po na ikin njerezit e mire shume shpejt......
Përgjigju