24-vjeçari në foto është Gerald Bitri, i riu që humbi jetën tragjikisht pasi mbeti i plagosur me armë zjarri gjatë sherrit mes të rinjve një ditë më parë në Laç.
Bitri ndërroi jetën ditën e sotme, në Spitalin e Traumës, pasi nuk i mbijetoi plagëve të marra, pas një konflikti për shkak të një aksidenti rrugor.
Të plagosur gjatë sherrit me armë mbetën dhe katër të tjerë, konkretisht Amarildo Ndoj, Liridon Ismaili, Daniel Gjeloshi dhe shitësja ambulante Angjelina Gjezaj.
Burime për Report TV bëjnë të ditur se në gjendje të rëndë në spitalin e Traumës vazhdon të jetë edhe Amarildo Ndoj, 26-vjeç, ndërsa tre të plagosurit e tjerë Daniel Gjeloshi, 26-vjeç, Liridon Ismaili, 26-vjeç, dhe Angjelina Gjezaj, 58 vjeç janë jashtë rrezikut por po vazhdojnë të qëndrojnë në spital për mbikëqyrje.
Lajmi kryesor:
Përplasja me armë në Laç, vdes njëri prej të plagosurve! 24-vjeçari ndërroi jetë tek Trauma! Sherri nisi për pasqyrën e makinës, të rinjtë caktuan vendin për t’u sqaruar
H.K/S.B/ReportTv.al