VLORË- Një farmaci në bulevardin 'Ismail Qemali' në lagjen 'Rinia' është djegur me lëndë djegëse gjatë natës, rreth orës 02:30 të mëngjesit. Kamerat e sigurisë kanë filmuar autorin i cili spërkat me lëndë djegëse dhe më pas i vë flakën pjesës ballore të farmacisë.
Nga zjarri nuk ka të lënduar, por raportohet vetëm për dëme materiale. Farmacia është në pronësi të Resmina Isakajt, ndërsa policia po punon për zbardhjen e detajeve të ngjarjes.
'Më datë 03.10.2022, gjatë natës, në bulevardin “Ismail Qemali”, Vlorë, ka rënë zjarr dhe është djegur pjesërisht, një subjekt privat “Farmaci”, në administrim të shtetases R. I, ku janë shkaktuar vetëm dëme materiale. Grupi hetimor po punon për zbardhjen e rrethanave të ngjarjes dhe shkakut të rënies së zjarrit.'- njofton policia.
Ngjarja alarmoi banorët që kanë shtëpitë mbi farmacinë.
‘Kishte shumë tym. Nuk po merrja dot frymë. U trembëm shumë kishte një zhurmë të madhe. Kur dola këtu u bllokova. Më dhimbte zemra, thash se do të vdisja’- u shpreh një zonjë.
Resmina Isakaj është pronarja e farmacisë në Vlorë, e cila u dogj gjatë orëve të para të mëngjesit me lëndë djegëse. Si pasojë e djegies janë shkaktuar vetëm dëme materiale, ndërsa nuk dihen ende shkaqet e ngjarjes.
Komente
Farmacia e ines qe pallohej me vella e mojsiut gjynah se ka derdhur djers per ate farmaci
Përgjigju