Gazetarja Aida Topalli teksa komentoi në 'Studio Live' megaoperacionin 'Revanshi' zbuloi lëvizjet e ish-deputetit të PS-së Arben Ndoka që çuan në organzimin e dështuar të atentateve ndaj Durim Bamit dhe Aleks Ndreka.
'Në zgjedhjet e 2017 ka patur përplasje të ashpër mes vëllait të Ndokës dhe përfaqësuesve të LSI. Vëllai ka hedhur dyshimet se vrasja mund të ketë motive politike. Si persona të kontraktuar për të kryer vrajsen, Ndoka krijoi bindjen se ishin Durim Bami dhe Aleks Ndreka. Organizoi atentatet por dështuan. Tentoi të kontraktonte vrasje me pagesë nga Shijaku dhe shfrytëzoi njohjen në zonën e Niklës duke kontaktuar Gentian Bejtja. Para disa kohësh u tha se Bejtja, strehohej në Lezhë.
Pamë dhe grupin e Vis Martinaj që synonte vrasjen e kundërshtarëve të tij duke nisur me Fatmir Hyseni që akuzohet për vrasjen e Malkos, por edhe për organizimin e vrasjes së Leonard Dukës, dhe vëllait të tij. Përshtypje më bënë komunikimet mes Dukës dhe Martinaj. Kishte tendecë për ulje gjakrash. Ekzistojnë zëra se shumë grupe janë bërë bashkë për zhdukjen e Martinajt. Në dosjen Metamorfoza në një nga përgjimet, hidhet hipoteza që Fatmir Hyseni të hap namin se jepet 10 milion euro për vrasjen e Martinajt, që të bëheshin bashkë grupet kriminale', tha Topalli.
Lajmi kryesor:
'Revanshi', Durim Bami në shënjestër/ Gazetarja: Ish deputeti i PS Ndoka kontraktoi në Shijak për ta vrarë! Poli Hoxha: Pranoi se e kishte paguar Meta 500 mijë euro
G.K//ReportTv.al