Shefi i Shtabit të Forcave Mbrojtëse të Izraelit (IDF), Eyal Zamir, njoftoi se ushtria "së shpejti do të nisë fazën tjetër" të operacionit kundër Hamasit në Qytetin e Gazës "deri në disfatën e tij".
Gjatë një vizite në Rripin e Gazës këtë mëngjes, Zamir deklaroi gjithashtu se ushtria është "moralisht e detyruar të sjellë në shtëpi të gjithë pengjet, të vdekur dhe të gjallë".
Komentet e tij vijnë pasi kabineti i sigurisë votoi për planin për pushtimin e Qytetit të Gazës në fillim të këtij muaji.
"Sot miratojmë planin për fazën tjetër të luftës". "Ne do ta ruajmë vrullin e Operacionit "Qerrat e Gideonit" duke u përqendruar në Qytetin e Gazës", tha ai, duke iu referuar ofensivës ushtarake kundër Hamasit të nisur në maj.
Lajmi kryesor:
Bilanc me 29 të vrarë ditën e sotme në Gaza! Grevë e protestë në Izrael, kërkohet fundi i luftës! 38 të arrestuar, Netanyahu: Po ndihmoni Hamasin (VIDEO)
A.Q/ReportTv.al