Prokuroria kërkoi burg për 10 nga 11 personat e akuzuar së fundmi për inceneratorin e Fierit me dyshimin se ato mund të largohen nga vend. Report Tv ka siguruar dosjen, e cila çoi në arrest në burg 10 të akuzuar dhe 1 në arrest shtëpie.
Report Tv siguroi dosjen e plotë të SPAK, për 11 urdhër-arrestet në lidhje me inceneratorin e Fierit. SPAK konsideroi se të 11 të akuzuarit, 5 prej të cilëve të arrestuar, ekziston rreziku i ikjes pasi mund të dënohen nga veprat penale për të cilët dyshohen, dhe për këtë arsye argumentohet caktimi i arrestit me burg për ta.
Alqi Bllako, në cilësinë e Sekretari të Përgjithshëm të Ministrisë së Mjedisit favorizoi kompaninë për inceneratorin e Fierit dhe për këtë Giuseppe Ciaffaglione dhe Arjola Kodra, të dy administratorë në kohë të ndryshme të inceneratorit të Tiranës, në paligjshmëri paraqitën si të punësuar babain e tij, Edmond Bllako, duke bërë pagesa fiktive që kapin vlerën në total të rreth 15 milionë lekëve të reja, ose ndryshe të 6 mijë eurove pagesa çdo muaj.
Arben Dervishaj, në kohën që ishte mbikëqyrës i punimeve tek inceneratori i Fierit, miratoi dhe pasqyroi në shtet situacione, shërbime dhe pajisje që nuk janë realizuar, për të justifikuar pagesat e kryera nga institucionet shtetërore që kapin vlerën e 4 milionë eurove. Për të kryer këtë shërbim ndaj përfituesve të aksionerëve të inceneratorëve, Dervishaj ka udhëtuar disa herë jashtë vendit me të gjitha faturat e paguara nga Klodian Zoto. Herën e parë në 2017-ën për të parë ndeshjen Juventus-Barcelona në Torino, më pas me të bijën në Tel Aviv dhe për herë të tretë në 2019-ën po në Torino për ndeshjen Juventus-Ajax. Në këtë ndeshje, Dervishaj nuk ishte i vetëm, teksa shkoi nën shoqërinë e Klodian Zotos dhe Alqi Bllakos. Zoto, vetëm për ndeshjen, për të tre pagoi 5040 Euro.
Aksioneri kryesor i inceneratorit të Fierit pagoi edhe udhëtimin në Itali dhe qëndrimin në hotel të anëtares së komisionit të dhënies së koncesionit, Etleva Kondi, e cila në 2016-ën shkoi me vajzën në Romë. Ajo qëndoi në të njëjtin hotel me Mirel Mërtirin dhe administratorin e inceneratorit, Arenc Myrtezanin, me të cilët u kthye në Tiranë me të njëjtin fluturim. Vetëm për Kondin, Klodian Zoto pagoi 842,74 në hotel.
Ndërkohë, transaksionet e inceneratorit të Fierit me kompanitë "Pivot 04"sh.p.k, "Sili" sh.pk, "JPY" sh.pk, janë fiktive dhe se ato janë krijuar posaçërisht për t'u përdorur për të mbuluar natyrën e vertetë të kryerjes së këtyre transaksioneve. "Silish.pk, dhe "IP.Y" sh.p.k, kanë deklaruar të njëjtën adresë të selisë së tyre në Durrës. Asnjë prej këtyre shoqërive nuk kanë pasur kapitalin e nevojshëm, punonjësit e nevojshëm të kualifikuar për të kryer punimet sipas faturave tatimore. Punëtorët e regjistruar janë punëmarrës fiktivë, pasi gjatë deklarimit të tyre rezulton se nuk kanë pasur dijeni për këtë fakt dhe nuk njohin personat e tjerë të regjistruar si të punësuar. Ndërkohë, personat që kanë themeluar shoqëritë respektive, Arbër Denizi, Silvester Driza, dhe Juri Ymeraj, kanë lidhje shoqërore me Arbi Kokën, djali e Lefter Koka, po ashtu prej disa muajsh i arrestuar për të njëjtën dosje.
Arben Dervishaj nuk është i vetmi që mori përfitime dhe bonuse udhëtimesh për të parë ndeshje luksi në Itali. Në dosjen e siguruar nga Report Tv, shfaqet edhe anëtarja e Komisionit të dhënies së koncesionit, Etleva Kondi, e cila ka udhëtuar nën shoqërinë e vajzës së saj në shkurt të vitit 2016, pagesa që janë bërë nga Klodian Zoto. Kondi, bashkë me të bijën, jo vetëm qëndruan në Romë në të njëjtin hotel me Mirel Mërtotin dhe Arenc Myrtezanin, por janë kthyer me të njëjtin fluturim drejt Shqipërisë. Vetëm për Kondin, Klodian Zoto pagoi 842,74 Euro për qëndrimin në hotel. Pagesat janë kryer ndaj saj në kohën kur ajo ishte anëtare e komisionit të dhënies së koncesionit, në kohën kur ajo kishte për detyrë që të shqyrtonte dhe analizonte dokumentacionin që dorëzonin operatorët ekonomikë përsa i përket procedurës së dhënies së koncesionit të inceneratorit të Fierit.
“Gjithashtu, nga këqyrja në sistemin TIMS rezulton se me datë 26.02.2016 anëtarja e Komisionit të dhënies së koncesionit, shtetasja Etleva Kondi, ka udhëtuar me vajzën e saj, Evita Kondi, nga Aeroporti i Rinasit, Tiranë, me linjën ajrore "Alitalia" për në destinacionin. qytetin e Romës, Itali. Me datë 28.02.2016 shtetasja Etleva Kondi, së bashku me vajzën e saj, është kthyer për në Shqipëri me linjën ajrore "Alitalia", nga qyteti i Romës, Itali, së bashku me shtetasit Mirel Mërtiri dhe Arenc Myrtezani, ky I fundit më vonë është bërë administrator i shoqërisë koncesionare "Integrated Technology Waste Treatmnet Fier" sh.p.k.
Rezulton se biletat e fluturimit me destinacion për në qytetin e Romës, Itali, për shtetasen Etleva Kondi dhe vajzën e saj, janë paguar nga shtetasi Klodian Zoto, në vlerën totale prej 618 Euro. Gjithashtu rezulton se anëtarja e Komisionit të dhënies së koncesionit së bashku me vajzën e saj kanë qëndruar në të njëjtin hotel me shtetasit Mirel Mertiri si dhe Arenc Myrtezani, tek hotel "Baglioni Hotel Regina", Rome, Itali nga data 26.02.2016 deri në datë 28.02.2016 dhe pagesa e qëndrimit në këtë hotel për të gjithë këta persona, është bërë nga shtetasi Klodian Zoto, në vlerën totale prej 1689.18 Euro, ndërsa vlera e qëndrimit tek ky hotel vetëm për anëtaren e komisionit të dhënies së koncesionit, shtetasen Etiveva Kondi, ka qenë 842,74 Euro.
Këto pagesa janë kryer ndaj shtetases Etleva Kondi, në kohën kur ajo ishte anëtare e komisionit të dhënies së koncesionit, në kohën kur ajo kishte për detyrë që të shqyrtonte dhe analizonte dokumentacionin që dorëzonin operatorët ekonomikë përsa i përket procedurës së dhënies së koncesionit me objekt: "Ndërtimin dhe administrimin e impiantit të trajtimit të mbetjeve urbane të Qarkut Fier dhe prodhimin e energjisë", ku më pas është shpallur fitues për këtë procedurë të dhënies së koncesionit shoqëria "Integrated Technology Ëaste Treatment Fier", sh.p.k., ku shtetasi Klodian Zoto është një ndër aksionerët e kësaj shoqërie koncesionare përfituese të Inceneratorit të Fierit”, vijon SPAK.
Arben Dervishaj, në kohën që ishte në detyrë si mbikëqyrësi i punimeve tek inceneratori i Fierit, ka udhëtuar nga Tiranë në Torino për të ndjekur në stadium ndeshjen mes Juventus dhe Barcelonës, dhe të gjitha pagesat janë kryer nga Klodian Zoto, në një vlerë prej 2250 Euro. Po ashtu, Arben Dervishaj, udhëtori në drejtim të Tel Avivit në Izrael, me tranzit nga Stambolli, bashkë me vajzën e tij, ku qëndori në hotel "Croëne Plaza Tel Aviv”, dhe pagesa është bërë sërish nga Klodian Zoto, nga llogaria e tij bankare me vlerë 1920 $.
“Nga këqyrja në sistemin TIMS, rezulton se shtetasi Arben Dervishaj ka udhëtuar me avion me datë 10/06/2017 nga Rinasi, Tiranë në drejtim të Stambollit, Turqisë dhe me datë 11/06/2017 ka udhëtuar nga Stambolli, Turqi në drejtim të qytetit të Tel Aviv, Izrael, se bashku me vajzën e tij, Rea Dervishaj. Me datë 14/06/2017 është kthyer në Shqipëri. Pagesa e biletës së avionit për këtë udhëtim është paguar nga shtetasi Klodian Zoto. Po ashtu rezulton se shtetasi Klodian Zoto ka paguar edhe shumën prej 1920 $ për qëndrimin e shtetasit Arben Dervishaj dhe vajzës së tij në Hotel "Crowne Plaza Tel Aviv në qytetin e Tel Aviv, Izrael, kjo e dokumentuar nga të dhënat e statement bankar të llogarisë së shtetasit Klodian Zoto, pranë bankës Intesa San Paolo, me nr. 44484435101.
Nga këqyrja në sistemin TIMS, rezulton se shtetasi Arben Dervishaj ka udhëtuar me avion me datë 11/04/2017 nga Aeroporti Rinas, Tiranë, në drejtim të qytetit të Torinos, Itali dhe pastaj me date 12/04/2017 është kthyer nga qyteti i Romës në drejtim të Tiranës, Shqipëri, me qëllim për të ndjekur ndeshjen e futbollit që do të zhvillohej ndërmjet ekipit të Juventus dhe ekipit të Barcelonës. Bileta për të ndjekur ndeshjen në stadium për shtetasin Arben Dervishaj, në vlerën prej 2250 Euro, është paguar nga shtetasi Klodian Zoto
Keto vlera monetare të tjera, të përfituara në mënyrë të parregullt nga shtetasi Arben Dervishaj, në vlerën 1920 dollar dhe 2250 euro, janë dhënë nga shtetasi Klodian Zoto, në kohën kur shtetasi Arben Dervishaj, ishte caktuar me detyrën "Mbikqyresi i Punimeve tek Inceneratori i Fierit", ndërkohë që shtetasi Klodian Zoto ishte një ndër aksionerët e shoqerise koncesionare përfituese të Inceneratorit të Fierit, "Integrated Technology Ëaste Treatment Fier" sh.p.k.”, vijon dosja e SPAK.
Pas udhëtimit në vitin 2017, Arben Dervishaj del në skenë sërish, edhe kësaj radhe për të ndjekur Juventusin në stadium, por në përballjen me Ajax në 2019-ën, tek e cila shfaqet edhe Alqi Bllako. Në dosje thuhet se ish-deputeti, Klodian Zoto dhe Arben Dervishaj, udhëtuan drejt Torinos së bashku dhe u kthyen po së bashku dhe të gjitha biletat u prenë nga Zoto, në një vlerë prej 5040 Euro. Pagesat u bënë nga Klodian Zoto edhe për qëndrimin në hotel.
“Nga këqyrja në sistemin TIMS rezulton se me datë 16.04.2019 shtetasi Alqi Bllako ka udhëtuar së bashku me shtetasit Klodian Zoto dhe Arben Dervishaj nga Aeroporti i Rinasit Tiranë me linjën ajrore "Blue Panorama" për në destinacionin, qytetin e Torinos, Itali. Ndërsa të nesërmen, po të tre këto shtetas janë kthyer së bashku për në Shqipëri me linjën ajrore "Alitalia", nga qyteti i Romës, Itali. Biletat e këtij fluturimi me destinacion qytetin e Torinos, Itali, në vlerën prej 115.5euro secili, janë prerë nga shtetasi Klodian Zoto tek agjencia turistike, operatori ekonomik "One Explorer", me administrator shtetasin Juventin Cere, kjo e dokumentuar edhe nga procesverbali i këqyrjes datë 05.04.2022 pranë operatorit ekonomik "Alballings", si dhe nga procesverbali i këqyrjes date 06.04.2022 pranë operatorit ekonomik "One Explorer".
Nga aktet e administruara rezulton se me date 16.04.2019 në qytetin e Torinos, Itali është zhvilluar ndeshja e futbollit ndërmjet ekipit të Juventus dhe ekipit të Ajax, kjo e dokumentuar nga procesverbali i këqyrjes date 18.05.2022. Rezulton se biletat për të ndjekur ndeshjen e futbollit në stadium, për shtetasin Alqi Bilako dhe shtetasin Arben Dervishaj, janë prerë nga shtetasi Klodian Zoto në vlerën prej 1680 Euro secili.
Nga aktet e marrë nëpërmjet letërporosisë nga Autoritetet Italiane të Drejtësisë, konkretisht Prokuroria e Torinos, akte të ekzekutimit të përcjellë nga Ministria e Drejtësisë në Prokurorinë e Posaçme, ka rezultuar se shtetasit Alqi Bllako, Klodian Zoto dhe Arben Dervishaj kanë qëndruar tek Hotel Victoria, Torini, via Nino Costa nr.4., nga data 16.04.2019 deri me datë 17.04.2019, pagesat e qëndrimit të tyre tek Hotel Victoria, Torini, via Nino Costa nr.4., në vlerën prej 357euro secili, janë kryer nëpërmjet kartës të llojit Mastercard, me nr. 5240 9603 2116 9249”, thuhet në dosje.
Në dosjen e siguruar nga gazetari i Report TV thuhet se Alqi Bllako në cilësinë e Sekretari të Përgjithshëm të Ministrisë së Mjedisit favorizoi kompaninë për inceneratorin e Fierit dhe për këtë Giuseppe Ciaffaglione dhe Arjola Kodra, administratorë të shoqërisë koncesionare "Integrated Energy BV SPV", nëpërmjet veprimeve të kundraligjshme të tyre, e kanë pasqyruar si të punësuar babain e tij Edmond Bllako, duke bërë pagesa fiktive për këtë shtetas.
“Dyshohet se këto pagesa janë përfitime të parregullta nga shtetasi Algi Bllako. Shtetasit Giuseppe Ciaffaglione dhe Arjola Kodra, dyshohen për kryerjen e veprës penale "Korrupsioni aktiv i funksionarëve të lartë shtetërorë", në bashkëpunim, parashikuar nga neni 245, 25 i Kodit Penal.
Neni 245 i Kodit Penal, parashikon veprën penale të Korrupsioni aktiv i funksionarëve të lartë shtetërorë ose të zgjedhurve vendore "Premtimi, propozimi ose dhënia drejtpërdrejt ose tërthorazi, i çfarëdo përfitimi të parregullt, funksionareve te larte shtetërore ose të të zgjedhurve vendore, për vete ose për persona të tjerë për të kryer ose mos kryer një veprim, që lidhet me tyren a funksionin e tij, dënohen me burgim nga një deri në pesë vjet".
Objekt i kësaj vepre penale janë marrëdhëniet juridike të vendosura për garantuar veprimtarinë e rregullt të organeve shtetërore, e pandikuar ajo nga veprimet e kundërligjshme të personave të ndryshëm Nga ana objektive kjo vepër penale kryhet në forma të ndryshme që nga premtimi deri tek dhënia drejtpërdrejte ose tërthorazi i çfarëdo përftimi të parregullt funksionarit të lartë shtetëror ose të zgjedhurit vendor.
Nga ana subjektive kjo vepër penale kryhet me dashje direkte dhe qëllimi është kryerja ose moskryerja e një veprimi që lidhet me detyrën funksionarit të lartë shtetëror ose të zgjedhurit vendor. Subjekt është çdo person që ka mbushur moshën për përgjegjësi penale.
Për sa më sipër, ka dyshime se shtetasit Giuseppe Ciaffaglione dhe Arjola Kodra, administratorë të shoqërisë koncesionare "Integrated Energy BV SPV", në periudha të ndryshme kohore, në bashkëpunim me shtetasin Klodian Zoto (aksioner i shoqërisë koncesionare), me veprimet e kundraligjshme te tyre, i kanë dhënë përfitime të parregullta në mënyrë të tërthortë shtetasit Alqi Bilako (i cili rezulton të ketë ushtruar funksionin e Sekretarit të Përgjithshëm i Ministrisë se Mjedisit dhe më pas Drejtor i Përgjithshëm i
AKUM, gjatë kohës së dhënies se koncesionit dhe zbatimit të kontratës koncesionare), nëpërmjet punësimit fiktiv të babait të tij Edmond Bllako, si Drejtor Kantieri, në shumën totale 14.964.900 (katërmbëdhjetë milion e nëntëqind e gjashtëdhjetë e katër mijë e nëntëqind) lekë, duke rënduar mbi ta dyshimi se kanë kryer veprën penale "Korrupsioni aktiv i funksionarëve të lartë shtetëror", në bashkëpunim.
Pavarësisht se çështja ndodhet ende në fazë hetimesh dhe përcaktimi i akuzës, është prerogative e organit procedues, gjykata evidenton se fakti penal qe i atribuohet shtetasve nën hetim Giuseppe Ciaffiaglione dhe Arjola Kodra, duhet te kualifikohet sipas nenit 244 të Kodit Penal, thuhet në dosjen hetimore të prokurorisë.
Prokuroria kërkoi burg për 10 nga 11 personat e akuzuar së fundmi për inceneratorin e Fierit me dyshimin se ato mund të largohen nga vend. Report Tv ka siguruar dosjen, e cila çoi në arrest në burg 10 të akuzuar dhe 1 në arrest shtëpie.
Në dosjen e siguruar nga Report Tv thuhet se Arben Dervishaj, Giuseppe Ciaffaglione, Loran Dusha, Arbër Denizi, Juri Ymeraj, Silvester Dreza, Regan Merdani, Gentian Zifla, Robert Shabani, Enver Sheshi e dinë që janë në hetim dhe ekziston rreziku i ikjes së tyre pasi rrezikojnë një dënim të lartë nga veprat pe për të cilët dyshohen, mund të largohen për t'i shpëtuar dënimit të mundshëm.
Në dosje thuthet se ekziston gjithashtu mundësia e ndërhyrjes së personave nën hetim të mësipërm me qëllim pengimin e hetimeve dhe vështirësinë e marrjes së provave.
“Kjo pasi nga ana e organit procedues kryhen veprime hetimore në vijimësi, siç është edhe pyetja e personave që kanë dijeni p veprën penale dhe personat nën hetim mund të ndikojnë në lidhje me rrethanat e hetimit, to këta persona në mënyrë të drejtpërdrejtë ose nëpërmjet bashkëpunëtorëve të tyre. Po kështu, në kërkesën për caktimin e llojit të masës së sigurimit, nga ana e prokurorisë mbahet parasysh proporcionaliteti dhe përshtatshmëria e nevojave të sigurimit, në raport edhe me veprat penale për të cilët dyshohen personat e mësipërm, duke vlerësuar rëndësinë e faktit, sanksioni që parashikojnë këto vepra penale, shkallën e nevojave të sigurimit në rastin konkret, si dhe rrezikshmërinë shoqërore për secilën nga këto vepra penale.
Nisur nga përshtatshmëria e masës së sigurimit me nevojat e sigurimit duke marrë parasysh sanksionin që parashikohet për këto vepra penale, rrezikshmërinë e personave nën hetim, në rastin konkret, nevojat e sigurimit janë të mëdha, referuar rrethanave të faktit penal, dëmit të shkaktuar interesave të ligjshme të shtetit, nga ana e prokurorisë vlerësohet se masa më e përshtatshme për personat nën hetim Arben Dervishaj, Giuseppe Ciaffaglione, Loran Dusha, Arbër Denizi, Juri Ymeraj, Silvester Driza, Regan Merdani, Gentian Zifla, Robert Shabani, Enver Sheshi, është ajo e "arrestit në burg", parashikuar nga neni 238 i K.Pr.Penale. Ndërsa nisur nga rrethanat familjare të personit nën hetim Arjola Kodra, nga ana e prokurorisë vlerësohet se masa më e pershtatshme është ajo e "arrest në shtëpi", ka arghumentuar prokuroria.
Komente
Duket qe Alqi Bllako nga //shperblimet// qe ka marre nuk na qenka dhe aq //sekretar i thjeshte// qe vetem ka //kaluar shkresa// qe i vinin,sic jane perpjekur t'a paraqitin!
Përgjigju