Dhimitër Kraja
Ministrja e Shëndetësisë Ogerta Manastirliu shprehet se gjendja e mjekut Dhimitër Kraja, që u infektua me koronavirus është qëndrueshme, ndërsa ndodhet në trajtim nga ekipi mjekësor. Ministrja e cilëson mjekun të rrallë e modest si pakkush.
"Pesha e viteve nuk e pengoi Prof. Dhimitër Krajën për t’u rikthyer në spitalin infektiv, aty ku ka kaluar 48 vite të jetës së tij, për t’i dhënë një dorë stafit të palodhur të këtij spitali në këto ditë të vështira.
I rrallë e modest si pakkush, Dr. Luli, siç e thërrasin të gjithë, po përballet vetë në këto momente, me sëmundjen që aq shumë donte ta luftonte.
Gjendja shëndetësore e doktor Lulit në këto momente është e qëndrueshme, në trajtim nga ekipi mjekësor, për të cilin ka qenë ngahera një burim i pashtershëm frymëzimi. Forca doktor Luli. Jemi me ty" shkruan ministrja.
Lajmi kryesor:
U rikthye nga pensioni për të shëruar të prekurit, mjeku infektohet me koronavirus
//ReportTv.al