BERAT- Institucionet kryesore të Beratit duket se janë kthyer në vatra të infeksionit COVID-19, pasi në shkolla, kopshte, në burg, spital dhe gjykatë janë aktualisht 14 punonjës që kanë rezultuar pozitiv me koronavirus.
Sipas informacionit të siguruar nga gazetari i Report Tv, Artan Diko, në burgun e Beratit janë 4 punonjës të prekur, mes tyre një gardian, një operator, një inspektor dhe një kuzhinier.
Gjithashtu edhe punonjës shëndetësia janë 4 të prekur, ku mes tyre janë një mjeke infeksioniste dhe një infermiere në repartin COVID të Spitalit Rajonal Berat dhe dy rastet e tjera janë infermiere në Qendrën Shëndetësore Nr. 2.
Në Gjykatën e Beratit kanë rezultuar pozitiv me COVID 2 punonjëse të administratës dhe një prokuror.
I prekur është edhe arsimi ku në 24 orët e fundit kanë dalë pozitiv 2 mësuese në shkollën 9-vjecare "22 Tetori" dhe një sanitare në kopshtin "Barrikadë".
Lajmi kryesor:
Shifrat vijojnë të rriten, në 24 orët e fundit 711 raste të reja dhe 9 humbje jete nga COVID/ Spitali psikiatrik i Elbasanit vatër infeksioni, 20 pacientë dhe staf i prekur
er.k./ReportTv.al
