Në një kohë kur përfaqësuesit e Bashkimit Evropian thonë njëzëri se integrimi I Shqipërisë është një objektiv i mundur brenda 2030 dhe se politika duhet të bëhet bashkë për këtë ambicie, për kreun e PD-së Sali Berishën, premtimi është jorealist.
“Viti 2030 nuk është vit realist. Kur shikon vendet, të cilat shkelin masivisht zgjedhjet, shkelin të drejtat e njeriut, po të shkosh në burgjet shqiptare, 70 përqind e të burgosurve janë në paraburgim, pra thjesht plasi aty.
Po të shikosh të drejtën e pronës dhe të drejtat e tjera, janë shkelje masive e të drejtave të njeriut. Sikurse u thashë, nuk ekziston një ekonomi tregu konkurruese në këtë vend. Kemi një narko-ekonomi dhe ekonomia e oligarkëve dhe klientëve”, tha Berisha.
Arsyen kryesore e lidh me akuzat që edhe një herë i përsëriti në një tryezë diskutimi me përfaqësues të fondacionit të Partive Popullore Europiane, Martens Centre, se Prokuroria e Posaçme dhe drejtësia e reformuar janë të kontrolluara nga qeveria.
“Kemi një prokurori të posaçme, pothuajse identike me kohën e diktaturës. Këto reforma, të cilat i dhanë qeverisë kontrollin e gjyqësorit po shkatërrojnë vendin dhe janë shumë të dëmshme për demokracinë në Shqipëri. Asnjë prokuror nuk duhet të kontrollojë gjyqtarin, gjyqtari duhet të ushtrojë kontrolle të tjera”, vijoi Berisha.
Por ndonëse i pakursyer në akuza ndaj njerëzve të drejtësisë, Berisha mori në mbrojtje prokuroren e Shkodrës Elsa Gjeli për të cilën tha se Rama po bën luftë politike për ta shkarkuar.
“Prej dy javësh ajo po merret me një prokurore të re që kishte zbatuar ligjin dhe jo vullnetin e kryeministrit. Dhe tani po bëhet luftë se si ta shkarkojnë dhe ta shajnë”, tha Berisha.
Integrimi sipas kreut të opozitës është zvarritur edhe nga politikat që Rama e Vuçiç kanë ndjekur me nisma rajonale.
“Problemi është se autokratët e rajonit, filluan me projekte të reja. Shpeshherë ne mendonim se as Rama dhe as Vuçiç nuk ishin të interesuar për integrimin. Ata shanin dhe hidhnin fajin lodhjes dhe shpikën ‘Ballkanin e Hapur’, theksoi ai.
Nuk harroi pa përmendur zgjedhjet, që sipas tij do të çojnë në parlament, e më tej si përfaqësues të Shqipërisë në institucionet evropiane njerëz të dalë nga krimi.
Ndërsa përfaqësuesi i fondacionit të Partive Popullore Evropiane, Martens Centre Tomi Huhtanen tha se rruga drejt integrimit duhet të shoqërohet me reforma të thella që luftojnë korrupsionin e krimin e organizuar.
Kryetari i Partisë Demokratike, Sali Berisha, nuk i ndali akuzat ndaj Kryeministrit Edi Rama.
Gjatë fjalës së tij në konferencën “The Western Balkan Paradigm” që mbahet në Tiranë, Berisha tha për Ramën se 94% e pushteteve janë në dorën e Kryeministrit.
Madje, siç u shpreh Berisha, Kryeministri i Shqipërisë është bërë edhe kryetar i Komitetit Kombëtar të Ujërave.
“Shqipëria nisi negociatat e aderimit dhe mund t’u siguroj se nisi negociatat në një kohë kur nuk plotësonte asnjë kriter përveçse gjeopolitikës.
Kushdo që dëshiron të ulet, ne jemi gati t’u ofrojmë të dhënat evropiane dhe statistikat që mbështesin këtë që them.
Shqipëria i nisi negociatat kur të gjitha pushtetet, 94 përqind përqendrohen në një dorë.
Këtu mund të shikoni se ky është viti 2020, është diktatori i fundit dhe tani kjo kolonë është më e lartë.
Tani, kryeministri i Shqipërisë për habinë tuaj, që atëherë është bërë kryetar i Këshillit Kombëtar të Shkencës, është bërë kryetar i Komitetit Kombëtar të Ujërave, që atëherë, kryeministri shqiptar ka ndryshuar ligje dhe çdo ndërtesë e vetme, edhe ato njëkatëshe, duhet të nënshkruhen prej tij në mënyrë që të ekzistojnë, duke shkelur çdo parim ndërkombëtar sepse ne jemi anëtarë të Këshillit të Europës dhe ka një autonomi lokale, ka një autonomi rajonale.
Por ky është realiteti këtu”, deklaroi Sali Berisha.
Në konferencën “The Western Balkan Paradigm” që zhvillohet në Tiranë, kryedemokrati Sali Berisha ka gjetur rastin të hedhë akuza në adresë të Kryeministrit Edi Rama dhe qeverisë socialiste.
Në fjalën e tij në këtë konferencë, Berisha tha se Shqipëria është boshatisur nga shqiptarët, të cilët, sipas tij, janë detyruar të largohen nga vendi.
Sipas Berishës, Shqipëria është kthyer në një vend që prodhon refugjatë dhe emigrantë.
“Indeksi i ndërtimeve në Shqipëri sot është 3 herë me e lartë se indeksi europiani. Ndërtimi hap vende pune, por eksportet hapin më shumë vende pune. Shqiptarët po ikin nga territori. Nga viti 2014 deri në vitin 2024, përsëri sipas Eurostat, 1 milion e 99 mijë shqiptarë janë larguar nga Shqipëria vetëm në zonën Shengen, pa llogaritur këtu ata të cilët janë larguar për në SHBA, Britani, Zvicër, Kanada, Australi apo Lindjen e Mesme.
Kryetari i Partisë Demokratike akuzoi se Shqipëria është kthyer në qendrën operacionale të karteleve të drogës, që sipas tij, kontrollojnë portin e Durrësit duke mundësuar trafikun e kokainës dhe heroinës.
“Sipas Departamentit Amerikan të Shtetit, qendra operacionale e organizatave kriminale të Europës, Amerikës Latine dhe Lindjes së Mesme, është kthyer Shqipëria. Shqipëria po eksporton kriminelë dhe drogë. Kartelet e drogës janë të fuqishme, sa ato e kanë në kontroll të plotë portin më të madh të vendit, Durrësin, prej 4 vitesh. Asnjë kilogram kokainë nuk kapet në këtë port, ndërkohë antimafia italiane kap tonelata drogë. Karteli Çela kontrollon trafikun e heroinës nga vendet lindore, Turqia, Afganistani, Irani, 70% kalojnë përmes Elbasanit. Elbasani është kryeqyteti i kartelit Çela dhe kontrollon gjithë qarkullimin”.
Sali Berisha përsëriti akuzat ndaj deputetëve fitues të PS në zgjedhjet parlamentare të 11 Majit, të cilët i etiketon si përfaqësues të bandave.
Ndërsa Kryeministrin Edi Rama e akuzoi si person me jetë të dyfishtë, që përveç funksionit shtetëror, sipas Berishes, takohet në zyrë edhe me vrasës e trafikantë droge.
Në delegacionin e radhës në BE, në qoftë se këto kartele vendosin që përfaqësuesit e tyre të jenë pjesë e delegacioneve në Këshillin e Stabilizimit, në Këshillin e Europës dhe në agjencitë e tjera. Pse? Sepse ato kanë qenë shumë aktivë gjatë zgjedhjeve. Kandidatët e tyre kanë marrë shumicën e votave, njerëz tërësisht të panjohur, por ata caktojnë ministrat, caktojnë kandidatët për deputetë, caktojnë drejtorët e policisë sepse kanë lidhje të drejtpërdrejta dhe të forta me kryeministrin Edi Rama. Personi që ju e shikoni nga jashtë si një xhentëlmen që bën disa gjeste shumë të bukura në samite, bën një jetë të dyfishtë. Ai ka jetën e vet me kartelet, me trafikantët e drogës dhe me vrasës me të cilët takohet në zyrën e tij dhe gjithçka është e dokumentuar.
Komente
Ky personazh i çuditshëm ka lindur në fshatin VIÇIDOL për ti nxjerr UJI TË ZI Shqipërisë.Ka 35 vite që merret me SHPIFJE në të gjitha Shtetet e botës kundër vëndit të vetë,sipas POROSIVE QË KA MARRË NGA SLLAVO-GREKËT 1990,si agjent i shumfisht i tyre-" BISTURIA".!
PërgjigjuTe shprehesh kaq hapur kunder perpjekjeve te atdheut tend, Shqiperise, per t'u anetaresuar ne familjen e shteteve europiane, do te thote se je ne sherbim te agjenturave serbo-greko-ruse ne Ballkan.
PërgjigjuNuk e kuptojme cfare pronaresh kerkon te mbroje Sali Kerma kur ky vete shpiku ligjin fanekeq 7501 duke jua marre pronat pronareve te ligjshem per tjua dhene militanteve te tij qe e sollen ne pushtet.
Përgjigju