Inter i çmendur. Zikaltërit rikthehen tek fitorja duke mundur 2-1 Veronën në “San Siro” dhe shpallen kampionë dimri në Serinë A. Në sfidën e javës së 19-të e të fundit të fazës së parë Inzaghi rikuperon kapitenin e skuadrës Lautaro Martinez i cili e nis titullar dhe i jep avantazhin kryesuesve në pjesën e parë.
Interi befasohet në fraksionin e dytë. Henry në minutën e 74-të barazon për miqtë nga Verona dhe më pas zikaltërit mësojnë me çdo forcë portën e kundërshtarëve. Në minutat shtesë ndodh gjithçka.
Davide Fatessi i futur në fushë në pjesën e dytë kalon Interin në avantazh në minutën e 93-të duke bërë që në stadium të shpërthejë festa. Por nuk mbaron me kaq. Verona në minutën e 100-të merr në favor një penallti të akorduar me VAR.
Nga njëmbëdhjetë metrat paraqitet Henry autori i golit të parë i cili e gabon mundësinë e artë duke goditur shtyllën. Në vërshëllimën finale të arbitrit “San Siro” shpërthen në festë. Interi mund 2-1 Veronën dhe shpallet akmpion dimri. Zikaltërit në 19 ndeshje kanë grumbulluar 48 pikë 5 më shumë se Juventusi i vendit të dytë. Bardhezinjtë luajnë të dielën në transfertë ndaj Salernitanës ndërsa Empoli po të dielën pret Milanin.
Përgatiti Andi Kapxhiu
Fitorja 2-1 e Interit kundër Veronës për javën e 19-të në Serie A s'ka kaluar pa polemika. Miqtë pretendojnë një faull të Bastonit në sulm, duke kërkuar që VAR të përdorej, moment nga erdhi edhe goli i tri pikëve për Interin.
Sa i takon episodit, trajneri Simone Inzaghi tha pas ndeshjes që të tijtë fituan se gjëra të tilla i kanë ndodhur edhe atij në karrierë. Ai ceku edhe penalltinë në fundin e ndeshjes, çka do bënte që Verona të dilte me një pikë nga Milano, nëse Henry do shënonte.
"Është e rëndësishme që të fitosh edhe këto lloj ndeshjesh. Mua më pëlqeu ekipi kur kishim topin, mungoi saktësia në pasimin e fundit. Pas avantazhit duhej të ishte gjithçka më e thjeshtë, por gjetëm përballë një kundërshtar me vlera, që erdhi këtu për të bërë një ndeshje të mirë. I kemi përjetuar minutat e fundit. Pas barazimit kishim dy raste të pastra, pastaj pas 2-1 erdhi penaltia. Ndeshje me vuajtje, por shumë e rëndësishme. Drejtori i Veronës flet për mungesë respekti të gjyqtarëve? Edhe unë kam humbur ndeshje kështu, ndodh dhe nuk dua të komentoj. Por në një ndeshje të tillë, një penallti në minutën e 100 duhet ta shënosh”, tha Inzaghi pas ndeshjes.
Interi fitoi 2-1 kundër Veronës për javën e 19-të në Serie A. Goli i tri pikëve për zikaltërit u shënua nga Frattesi në minutën e 90+3, teksa gjatë aksionit, para golit Verona pretendon për faull në dëm të Dudës.
Mbrojtësi vendas, Bastoni i jep një goditje kundërshtarit, që nuk merret në konsideratë as nga arbitri Fabbri dhe as nga VAR. Veç saj, arbitri akordoi karton të kuq për lojtarin e Veronës për protesta.
Te Verona janë të "tërbuar" nga ky rast, teksa pas ndeshjes drejtori sportiv i miqve, Sean Sogliano tha se goli duhej anulluar dhe se ndaj tyre u bë padrejtësi.
"Në këtë moment jam shumë i pikëlluar, i zhgënjyer, sepse nuk përputhet me karakterin tim, nuk dua të moralizoj”, tha ai.
Drejtori sportiv i Hellas Verona i përgjigjet kështu atyre që i kërkojnë koment për golin 2-1 të zikaltërve, dyshuar si i parregullt për shkak të një faulli të Bastonit ndaj Dudës.
“Kemi ardhur këtu për të luajtur lojën tonë, kundër një skuadre që ndoshta e fiton kampionatin, sepse ka lojtarë të fortë dhe të stërvitur mirë, por sot ka munguar shumë respekti ndaj një klubi që me gjithë vështirësitë e shumta po nderon kampionatin dhe po lufton deri në fund, sepse episodi me rastin e 2-1 të Interit është e pamundur të mos shihet në dhomën e VAR-it. Na u bë padrejtësi", tha Sean Sogliano. Për t'u theksuar se në fundin e sfidës, në minutën 90+10 Verona humbi një penallti dhe shansin për golin e barazimit me Henry.
