Irani sulmoi sot Izraelin me qindra raketa, si shenjë hakmarrje për vrasjen e kreut të Hezbollah, Nasrallah. Eksperti i marrëdhënieve ndërkombëtare, Ledjon Krisafi dha më shumë detaje mbi këtë sulm në ‘Studio Live’.
Për Arbër Hitajn, Krisafi theksoi se sulmi përfundoi dhe si bilanc për momentin janë vetëm dy të plagosur dhe kjo si pasojë e mbrojtjes shumë të mirë kundërajrore të Izraelit.
'Po e ndiqja drejtpërdrejt në mediat izraelite. Sulmi ka përfunduar për momentin dhe ushtria ka bërë thirrje të dalin. Ka vetëm dy persona të plagosur nga copëzat e raketave në Tel Aviv. Nuk pritej një sulm i tillë. Pritej që Irani të bënte diçka që me vrasjen e Haniyeh dhe Nasrallah. Sulmi është i ngjashëm me atë të prillit, kur Izraeli vrau konsullin iranian në Damask. I shërbejnë Iranit që po bën diçka, por si sulme nuk ka ndonjë rrezikshmëri. Nëse vërtetohet se janë plagosur vetëm dy veta i parrezikshëm. Tregon mungesë kapacitetesh. Janë vetëm për spektakël. Është bërë thuajse qesharake për Iranin.'
Sipas ekspertit, konflikti në Lindjen e Mesme mund të përshkallëzohet, por nuk shikon një luftë mes Iranit dhe Izraelit.
'Ka shumë aktorë, nuk është një lloj si lufta Rusi Ukrainë. Në Lindjen e Mesme janë shumë aktorë dhe mund të dali jashtë kontrollit. Nuk e shoh si të mundshme për konflikt Iran Izrael. Janë shumë larg. Raketat duan 12 minuta të shkojnë, janë shumë. Irani është shumë i dobët për luftë me Izraelin dhe SHBA. Ka dhe një anë tjetër, për Izraelin është moment i artë. Po çmonton Iranin në Lindjen e Mesme. Ka goditur Hamasin, Hezbollah dhe grupet Houthi. Do ketë përgjigje nga ana e Izraelit. Izraeli do bëjë më shumë si kundërpërgjigje. E sheh që Irani është në vështirësi.'
