Jurgis Çyrbja dhe makina e policisë me të cilën u transportua
Ish-deputeti Jurgis Çyrbja, i arrestuar me 3 akuza të rënda nga SPAK mbrëmjen e sotme (20 Tetor), ka lënë qelitë e Policisë së Durrësit dhe u vendos në bllokun e Sigurisë në Tiranë, ku do i nënshtrohet procedurave të tjera hetimore.
Ish-ligjvënësi socialist akuzohet për lidhje me një grup kriminal në Durrës dhe komunikime në platformën e koduar SKY ECC. GJKKO ka dhënë masën “arrest me burg” ndaj tij. I arrestuar është edhe Ahmet Masha, kunati i vëllait të ish-deputetit, po për të njëjtën dosje penale.
Meqë hetimet kryhen nga ana e SPAK, edhe ish-deputeti është transferuar drejt Tiranës, ku do i nënshtrohet hetimeve të tjera dhe marrjes në pyetje. Po kështu do dalë për masë sigurie në Gjykatë, për konfirmimin e saj.
Lajmi kryesor:
Akuzohet për lidhje me grup kriminal në Durrës, arrestohet ish-deputeti i PS, Jurgis Çyrbja! Doli në Sky ECC, 3 akuza, mes tyre tregtimi i sekretit shtetëror (VIDEO)
A.Q//ReportTv.al
