I pranishëm në Komisionin e Medias, Drejtori i Përgjithshëm i komanduar i RTSH-së, Martin Leka, i është përgjigjur akuzave për korrupsion dhe imoralitet. Ishte deputetja e PD-së, Eralda Bano që i drejtoi atij pyetjen se nëse ndjenë përgjegjësi për këto akuza të hedhur andaj tij, por që Leka i konsideroi akuza nga 'portale terroriste që të bëjnë me 700 dashnore".
Akuzat për korrupsion ai i mohoi, duke theksuar se dërgon në shtëpi vetëm rrogën, ndërsa u shpreh i gatshëm për t'u hetuar.
"Për akuzat…. nëse i referoheni një portali që mund ta quaj terrorist, për korrupsionin ka organe kompetente, unë dërgoj në shpi vetëm rrogën time, jam i hapur ndaj kujtdo të bëjë çdo denoncim për personin Martin Leka për korrupsion. Këtu të bëjnë me 700 të dashura etj etj., por këto janë portale terroriste që terrorizojnë edhe kalamajtë në shpi, duke iu çuar atyre dashnoret në krevatin e gruas", tha ai.
Lajmi kryesor:
Komisioni i Medias/ ‘Çmendet’ Leka Bungo: RTSH të mbyllet 6 muaj, punonjësit rrinë në kafe! Televizioni kërkon 470 mln lekë shtesë, Zhupa: SPAK të hetojë!
