Qershori është muaji i një prej frutave më të preferuara të verës: qershive. Ato nuk janë vetëm të shijshme, por kanë edhe shumë vlera ushqyese për shëndetin.
Të pasura me antioksidantë, si antocianina dhe quercetina, ato ndihmojnë në luftimin e radikaleve të lira dhe janë burim i mirë i vitaminës C, që forcon sistemin imunitar.
Përmbajnë kalium, i cili ndihmon në rregullimin e tensionit të gjakut dhe janë të pasura me fibra, që përmirësojnë tretjen dhe shëndetin e zorrëve.
Cilat janë vetitë kuruese të qershive?
-Luftojnë inflamacionin
Qershitë kanë efekt anti-inflamator dhe mund të ndihmojnë në lehtësimin e dhimbjeve të artritit apo muskujve.
-Përmirësojnë gjumin
Ato përmbajnë melatoninë, hormon që ndihmon në rregullimin e gjumit. Po ashtu ato ulin rrezikun e sëmundjeve kardiovaskulare falë përmbajtjes së lartë në antioksidantë dhe kalium.
Komente
