50 euro për 1 vit do të paguajnë të gjithë drejtuesit e mjeteve të cilët duan të udhëtojnë në drejtim të Maqedonisë së Veriut. Më herët ata paguanin një tarifë vjetore 340 euro për një vit, por me dallimin që kartoni jeshill ishte i vlefshëm për në të gjithë Europën, përfshirë dhe Maqedoninë e Veriut, ndërsa polica e sigurimit tashmë e miratuar kundrejt vlerës 50 euro është e vlefshme vetëm për Maqedoninë.
Përfituesit më të shumtë të vlerës së re, janë kryesisht banorët e Bashkive Korçë, Pogradec, Prrenjas dhe Librazhd, të cilët janë frekuentues të shumtë të Ohrit dhe Strugës, për qëllime tregtare dhe turistike.
Kalimtarët shprehen të kënaqur me tarifën e re të kartonit jeshil dhe theksojnë se tani mund të kalojnë më shpesh me mjetet e tyre në drejtim të shtetit fqinj.
“Ndikon mirë, po nëse ulet më shumë do të bëhet më mirë”, tha një qytetar për Report Tv.
"Jam shumë i kënaqur për këtë. Për mua është një kosto e ulët", tha një tjetër.
Më herët policat kufitare me çmime të ulta, realizoheshin vetëm me Malin e Zi dhe Kosovën, ndërsa prej 1 prillit, është shtuar dhe Maqedonia e Veriut.
Komente
Ide e mire.Perse duhet te paguash 340 euro qe vlen per gjithe Evropen,kur ne fakt nuk shkon pertej shteteve kufitare si Maqedonia ne rastin konkret?! Jam kurioze vetem per nje gje,keto 50 euro kane vlere vajtje-ardhje,ne te dyja anet e kufirit,apo kane vlere vetem kur shkon ne Maqedoni,e kur kthehesh duhet te paguash nje tjeter 50 euro per shtetin maqedon?
Përgjigju