Ganës i është dashur të djersisë shumë për fitoren e parë në Botëror. Pas humbjes me Portugalinë afrikanët siguruan 3 pikët e para falë rezultatin 3-2 në stadiumin ‘Education City’. Golin e parë Gana e realizoi në minutën e 24 me Salisu, ndërsa po brenda pjesës së parë dyfishoi me Kudus.
Në pjesën e dytë aziatikët reaguan fort dhe në harkun kohor të katër minutave, falë ‘dopietës’ së Cho Gue-Sung, barazuan 2-2. Gjithsesi Kudus vendosi të bënte edhe njëherë heroin dhe falë golit të dytë personal dhe të tretin për Ganën në minutën e 68 vulosi shifrat përfundimtare.
Më këtë fitore Gana u ngjit të paktën përkohësisht në vendin e dytë me 3 pikë, po aq sa Portugalia e vendit të parë që luan sonte me Uruguain.
Formacionet zyrtare
68’ Nuk ka zgjatur shumë baraspesha e Koresë së Jugut në ndeshjen me Ganën. Afrikanët kanë gjetur sërish avantazhin duke i dërguar shifrat në 3-2 falë mesfushorit Kudus, i cili realizoi golin e dytë personal.
58’ E pabesueshme ajo që ndodh në Botërorin e Katarit. Korea e Jugut arriti të barazojë Ganën në harkun kohor të katër minuta. I njëjti autor, Cho Gue-Sung, realizoi në minutën e 58 dhe të 62.
34’ Kudus ka dyfishuar diferencat për Ganën. Mesfushori realizoi me kokë duke ndëshkuar për herë të dytë Korenë e Jugut.
24’ Gana ka kaluar në avantazh kundër Koresë së Jugut. Salisu përfitoi nga një rrëmujë në zonë, duke kaluar afrikanët në avantazh.
