Me qirinjtë e lutjes në duar, që simbolizojnë dritën e përjetshme, të krishterët në Lezhë kanë kremtuar pashkët. Qindra besimtare ju bashkuan ritualit fetar të ringjalljes së Jezu Krishtit, që u mbajt mbrëmjen e së shtunës në katedralen e Shën Nikollit.
Në fjalën e tij para besimtareve ipeshkvi i Dioqezes së Lezhës Monsinjor Otavio Vitale, ju bëri thirrje njerëzve e kryesisht burrave që të jenë me afër kishës të cilën e ka themeluat Jezusi.
Pas meshës së shenjtë e cila zgjati deri në mesnate besimtaret ju drejtuan shtëpive të tyre me dritën e jetës dhe mesazhin Krishti u ringjall. Pashka është festa me e madhe e kalendarit liturgjik të Kishës Katolike dhe të kishave te tjera te krishtera, te cilat festojnë Ringjalljen e Jezusit, sikundër e tregon Besëlidhja e Re.
Lajmi kryesor:
Besimtarët katolikë e protestantë kremtojnë Pashkën, urojnë krerët e shtetit dhe politikës! Imzot Arjan Dodaj: Të fryjë një fllad i ri në shoqëri! Mesazh edhe për politikën
G.MO/KT/ReportTv.al