Presidenti ukrainas Volodymyr Zelensky bëri të ditur se dronë zbulues, që sipas tij ka gjasa t’i përkasin Hungarisë, kanë shkelur hapësirën ajrore të Ukrainës përgjatë kufirit. Ky është incidenti i parë i këtij lloji që raportohet.
Në një deklaratë të publikuar në rrjetin X, Zelensky tha se forcat ukrainase kanë regjistruar inkursione të dronëve në zonat kufitare dhe se vlerësimet paraprake sugjerojnë se mjetet ajrore pa pilot po “kryenin zbulim mbi potencialin industrial të rajoneve kufitare të Ukrainës”.
“Kam dhënë urdhër që të verifikohen të gjitha informacionet e disponueshme dhe që të hartohen raporte urgjente për çdo incident të regjistruar”, deklaroi Zelensky.
Ministri i Jashtëm hungarez, Peter Szijjarto, i hodhi poshtë pretendimet e Zelenskyt, duke shkruar në X se: “Presidenti Zelensky po humbet toruan për shkak të fiksimit të tij anti-hungarez. Tani ka filluar të shohë gjëra që nuk ekzistojnë”.
Nga ana tjetër, zëvendësministri i Jashtëm ukrainas, Andrii Sybiha, iu përgjigj:
“Po fillojmë të shohim shumë gjëra, Peter — përfshirë hipokrizinë dhe degradimin moral të qeverisë tënde, punën e saj të hapur dhe të fshehtë kundër Ukrainës dhe pjesës tjetër të Evropës, si dhe rolin e saj si shërbëtor i Kremlinit.”
Lajmi kryesor:
Trump i hap rrugën Zelenskyt: Gati të heq veton për raketat me rreze të gjatë veprimi! Presidenti ukrainas kërkon Tomahawk, arrijnë deri në 2.500 km
A.I/ReportTv.al