Zgjedhjet e pjesëshme të 4 gushtit në Himarë ku u shpall fitues Vangjel Tavo, kandidati socialist, me një rezultat të thellë ndaj rivalit opozitar Petro Gjikuria, për opozitën duhet të shpallen të pavlefshme.
Koalicioni “Bashkë Fitojmë” nën siglën e të cilit garoi kandidati i opozitës, ka ankimuar në Komisionin e Ankesave dhe Sanksioneve pranë KQZ, rezultatin e zgjedhjeve të Himarës me pretendimin se nga mazhoranca dhe vetë kandidati Tavo janë kryer një sërë shkeljesh që kanë cënuar drejtëpërdrejtë rezultatin e zgjedhjeve.
Problematika më kryesore mbi të cilën kërkojnë pavleshmërinë e zgjedhjeve ishte pamundësia për të votuar e qytetarëve që u kishte skaduar karta e identitetit.
Ditën e zgjedhjeve, vetë kryekomisioneri Ilirjan Celibashi deklaroi se 6000 qytetarëve me të drjetë vote u kishte skaduar karta e identitetit dhe si rrjedhojë në zbatim të Kodit Zgjedhor nuk mund të votonin.
Por për opozitën mosmarrja e masave në kohën e duhur për këta qytetarë me karta të skaduara, cënon të drejtën kushtetuese të tyre për të zgjedhur ndërsa më herët e kanë cilësuar edhe si një taktikë elektorale për të dëmtuar kundërshtarin.
Opozita akuzon mazhorancën edhe për përdorim të administratës në zgjedhje me “zbarkimin” siç e kanë quajtur ata, të ministrave në ditët e fundit të fushatës apo dhe intimidim ndaj votuesëve, bizneseve dhe pronarëve të hotelerisë.
Sipas tyre, kandidati socialist Vangjel Tavo ka përfituar nga mbështetja e disa ministrave dhe zyrtarëve të ndryshëm publik, përfshirë zv/kryeministren Belinda Balluku, Ministren e Turizmit Mirela Kumbaro apo edhe kryetarin e Bashkisë Vlorë Ermal Dredha.
Tavo sipas opozitës u favorizua në garë nga institucionet shtetërore edhe për “Kryefjalën” e fushatë së tij, dhënien e titujve të pronësisë.
Opozita thotë se kryeministri Rama së bashku me Vangjel Tavon kanë bërë fushatë të parakohshme në muajt maj dhe qershor duke u shpërndarë banorëve të Himarës certifikatat e pronësisë. Opozita ngre edhe shqetësimin e personave të paautorizuar pranë qendrave të votimit, apo patronazhistëve sic I quajnë të cilët përpiqeshin të orientonin votën.
(Kliko këtu për të lexuar dokumentin e plotë)
Komente
Ky duhet quajtur Koalocioni Bashke humbim sepse vetem i humbin zgjedhjet.
PërgjigjuAshtu është vëlla. Në Shqipëri fitojnë vetëm hajdutët. Normal, me ndihmën e tuaj
Ja dhe kallaqiperat trumpiste te fshatit ne humbetiren provinciale,i quajtur Himare!
PërgjigjuPirdhni pirdhni se do liroheni!
PërgjigjuTano,me shume edukate vella i dashur… keto jan thjeshte deficente e kokrrat e idioteve,nuk kane pun tjeter,thjesht deshtake qe marin rrogen kot edhe humbes legjendare e historike qe thjesht kontestojne villnetin e qytetareve apo fshatareve pa piken e lidhjes. Eshte fundi i nje monopoli e politike te qelbur! te pershendes