Kryeministri Edi Rama ka shpërndarë sot disa pamje nga konferenca e 6-të ndërqeveritare u mbajt në Bruksel. Një ditë më parë vendi ynë nisi zyrtarisht negociatat për 4 kapituj: Politika e transportit, Energjia, Rrjetet trans-evropiane, Mjedisi si dhe ndryshimet klimatike.një ditë më parë.
Përmes një postimi në rrjetet sociale kreu i qeverisë shprehet se kjo ishte një ditë e shënuar në rrugëtimin drejt BE-së.
“Mirëmëngjes dhe me kënaqësinë e një tjetër dite të shënuar në rrugëtimin drejt BE-së, si edhe me krenarinë për skuadrën tonë kombëtare të negociatave, ju uroj një ditë të mbarë”, shkroi Rama në rrjetet sociale.
Rama tha se në këto dy vite, deri në arritjen e objektivit të vendosur, që deri më 2027 të kenë hapur të gjithë grupkapitujt, do të duhet që të ‘rishpikin veten’, teksa theksoi se ky grupkapitull i Agjendës së Gjelbër është shumë sfidues.
Deri tani, Shqipëria ka çelur 5 nga 6 grupkapituj kryesorë: Themeloret, Marrëdhëniet me Jashtë, Tregun e Brendshëm dhe Konkurrueshmërinë me Rritjen Gjithëpërfshirëse, "Agjenda e Gjelbër dhe Ndërlidhja e Qëndrueshme”.
Konferenca e ardhshme ndërqeveritare, e planifikuar më 2 tetor, do të përqendrohet tek grupkapitulli i fundit “Bujqësia dhe Kohezioni”.
Komente
