Konferenca e Kryetarëve, e cila u zhvillua para seancës së parë plenare pas zgjedhjeve, nisi me debate mes Gazment Bardhit, kreut të grupit parlamentar të PD dhe kryetares së Kuvendit Elisa Spiropali e Taulant Ballës. Bardhi akuzoi se e kanë kthyer Kuvendin në pronë private, ndërsa vijoi me pretendimet për ‘dhunim zgjedhjesh’.
"E keni kthyer kuvendin si pronë private. Vini këtu sikur jeni kthyer nga Suedia, ku në fakt jeni kthyer nga një llum që e keni krijuar ju me duart tuaja. Keni caktuar një seancë turpi për të bërë vetëm ti foto aty. Nuk keni caktuar dhe nuk keni lënë as çështje jashtë rendit të ditës. Këtë e garanton rregullorja e Kuvendit. Unë e kuptoj që ju nuk doni debat sepse doni ta trajtoni sikur jeni kthyer nga pushimet, ku në fakt ju jeni kthyer nga drejtimi i një grupi të strukturuar kriminal, ku vjedhët dhe dhunuat zgjedhjet duke e krahasuar Shqipërinë me Sirinë. Nuk mund ta trajtoni kuvendin si pronë private e as vendin si normalitet. Siç e thotë OSBE ju keni shkallmuar barazinë në zgjedhje dhe keni rrëzuar nenin 1 të Kushtetutës. E përsëris ju doni që Shqipëria të krahasohet me Rusinë apo me Serbinë”, tha Bardhi.
Përveç Spiropalit, ai pati debate edhe me Ballën, për të cilin tha se s’do të lejojë të flasë ‘ushtari i Suel Çelës’. Ndërsa Spiropalit iu drejtua duke i thënë se do të zëvendësohet nga Zegjine Çaushi, kandidatja e re socialiste që fitoi në Fier.
Pjesë nga diskutimi:
Gazment Bardhi: Kush e caktin se çfarë bëhet në Konferencën e kryetarëve dhe në Kuvend. Partnerët tuaj Suel Çela apo Troplinit e Durrësit. Zonjë duhet të sqarosh ato çfarë unë ngre këtu. Nuk lejoj të flasë ushtari i Suel Çelës. Dhe ti zonjë mos mu sill sikur ke ardhur nga Suedia, por ke ardh nga strofulla e Xhabaftëve. U kërcënuan fëmijët e kolegët e tu dhe ti kryetare e kuvendit shkove more në mbrojtje Xhabaftët.
Elisa Spiropali: Ma jep të drejtën rregullorja të përcaktoj rendin e ditës.
Gazment Bardhi: Nuk do të jesh më këtu, do të zëvendësohesh nga Zegjine Balluku.
Bardhi po ashtu ka kërkuar ndryshimin e rendit të ditës, ku kërkon diskutim 1 orë për çështje jashtë rendit.
Ndërkohë, ministri i shtetit për Marrëdhëniet me Parlamentin, Taulant Balla kërkon që brenda 30 qershorit 2025 të miratohen 5 ligje që janë kusht për disbursimin e fondeve nga Bashkimi Evropian në kuadër të Planit të Rritjes, ku Shqipëria mund të përfitojë 27 milionë euro mbështetje buxhetore.
Pjesë nga fjala e Ballës
5 nga projekt- ligjet që kemi aktualisht në proces miratimi janë pjesë përbërëse e kësaj Agjende dhe përbëjnë kushte të domosdoshme për disbursimin e fondeve nga Plani i Rritjes për Ballkanin Perëndimor, për Shqipërinë. Këto janë:
Dy projekt-ligje në sektorin e bujqësisë: që përafrojnë plotësisht Acquis të Bashkimit Evropian, duke shënuar një hap të madh para në këtë fushë – projekt-ligji për shëndetin e bimëve dhe projekt-ligji për shëndetin e kafshëve;
Dy projekt-ligje në sektorin e energjisë: projekt-ligji për energjinë e rinovueshme nga biomasa/biokarburantet dhe projekt-ligji për performancën energjetike të ndërtesave;
Një ligj në fushën e shtetit të së drejtës: projekti-ligji për ngritjen e Zyrës së Rikuperimit të Aseteve, një nismë shumë e rëndësishme në fushën e bashkëpunimit me BE etj., në lidhje me identifikimin dhe sekuestrimin e aseteve nga aktivitetet kriminale (përfarim i Acquis në fushën e luftës kundër krimit të organizuar).
Rendi i ditës
Komente
Po toleruat keshtu nje palaco si Bardhi populli do ju vari teneqet. Kuvendi ka rregulla dhe jo te imponohet nga deputet pa kellqe qe vazhdojne akoma me veorimet e katervjeteve te kaluar . Garda duhet te veproj duke i nxjerr jasht mbledhjeve kur perdorin dhune
Përgjigju