TIRANE-Jani Kacifa, babai i ekstremistit grek, që u vra nga RENEA ditën e diel në Gjirokastër ka dëshmuar në prokurorinë e Krimeve të Rënda mesditën e sotme. Jani Kacifa ishte në ambientet e prokurorisë së bashku me një përkthyes dhe një përfaqësues ligjor të familjes, ndërsa udhëtoi nga Gjirokastra në Tiranë me një makinë me targa greke, i shoqëruar nga një grup i medieve të vendit fqinj.
Ai arriti në prokurori në orën 12:00, ndërsa deklarimet para prokurorit Njazi Seferi zgjatën deri në orën 14:00. Gazetari i Report Tv, Arsen Rusta mëson se babai i 35-vjeçarit ka kërkuar zbardhjen e vrasjes që djalit. Report Tv mëson gjithashtu se nuk ka ende një autorizim nga prokuroria që familja të tërheq trupin, pasi ka ende veprime për t’u kryer nga grupi i ekspertizës mjeko-ligjore.
35-vjeçari Kacifa u ekzekutua nga RENEA, pasi refuzoi që të dorëzohej, ndërsa trupi i tij ndodhet në morgun e QSUT për ekspertizë mjeko ligjore, pasi familja kundërshtoi autopsinë në Gjirokastër. Ndërkohë ditën e djeshme konsulli grek në Shqipëri, ka zhvilluar një takim tek prokuroria e Krimeve të Rënda lidhur me hetimet për vrasjen e ekstremistit grek në Bularat të Gjirokastrës.
Mësohet se konsulli grek është takuar me prokurorin e çështjes dhe kreun e Krimeve të Rënda, Donika Prela. Mësohet se konsulli grek është duke u interesuar për vazhdimësinë e hetimeve nga ana e prokurorisë shqiptare. Pala greke nuk ka asnjë tagër që të jetë pjesë e hetimeve, pasi vrasja ka ndodhur në Shqipëri.
Jani Kacifa duke hyrë te Krimet e Rënda mesditën e sotme
Makina me të cilën Jani Kacifa erdhi te Krimet e Rënda
Momenti kur del nga Krimet e rënda babai i ekstremistit grek
Letërporosi në Shqipëri
Pritet që në ditët në vijim prokuroria e Athinës të dërgojë një letërporosi në adresë të prokurorisë së Krimeve të Rënda, ku do i kërkojë kësaj të fundit të njihet me të gjitha aktet hetimore, pse jo dhe të kërkojë kryerjen e veprimeve hetimore shtesë, për dobi të palës greke.
Grekët kanë kërkuar të asistojnë me ekspertë të mjekësisë ligjore dhe ekspertë balistikë për analizimin e të dhënave të armës, por një kërkesë e tillë është refuzuar nga prokuroria e Krimeve të Rënda, e cila ka pohuar se një gjë e tillë nuk e lejon legjislacioni shqiptar.
Njëherësh prokuroria e Krimeve të Rënda ka refuzuar të legjitimojë avokatin grek të zgjedhur nga familja e të ndjerit, duke pohuar se edhe praninë e tij, nuk e legjitimon legjislacioni shqiptar. Nisur nga këto kushte, familja ka kontraktuar një studio ligjore shqiptare.
Komente
Per cfare ndjek ceshtjen,eshte pune e tyre.Prindi eshte prind,por vrasesi eshte vrases-krimenel,Prindit nuk i lejohet,nuk i pranohet subjektivizmi prindor,sic eshte rasti konkret. Eshte vrar nge larg,apo nga afer, Ai vrastari-krimineli, deshti te vret pjetaret institucional te shtetit shqiptar,Madje kishte pergatitje shiprterore e kishte shtytje materiale e financiare, qe te vret duke u krekosur.Me mire te qaje nena e babai i kriminelit,se te qaje nena e babai i mbrojtesit te atdheut.
PërgjigjuSido që të jetë shteti i tyre e ndjek çeshtjet e tilla qoftë dhe për reklamë elektorati te brendeshem por shteti shqiptar më gjith ata shqiptarë që janë vrarë ne vendin e fqinjeve nga fqinjet, me faj ose jo, nuk begendisi kurrë ti ndjekë çeshtjet. Është vërtet për të ardhur keq që shqiptarët vet shteti i tyre i hodhi në kurbet si mish për top, pa u interesuar kurrë për ta... e dhimbshme!
Përgjigjuore ky bariu nga doli keshtu ka nje jave si muabet duhet ta kishte kap policia qe ate dite po ta kishte takuar at pleren grek
PërgjigjuOre per cfare eksteremisti behet fjale....eshte terrorist dhe si i tile duhet trajtuar rasti
PërgjigjuFiks, e kam shkruar dhe unë këtë që the por mua nuk ma publikuan komentin. Thosha se ekstremistët janë dy llojesh: 1) ata që besojnë në ide ekstreme por që kurrë nuk krijojnë probleme duke e patur vetëm me veten e tyre dhe 2) ata që këto ide ekstreme i konkretizojnë në praktikë si në rastin ne fjalë. Pra ky ekstremisti është dhe terrorist. Nuk e di perse mediat nuk e shkruajtën kurrë këtë fjalë si epitet për të..
Nuk di shqip ky bariu i dhive jeton ne teritorin shaiptar.
PërgjigjuI mashtron greku me 100 euro ne muaj keta plehra. E quajn veten greke te qelbur.