Korça nuk ka gjetur qetësi nga tërmetet. Rreth një muaj pas lëkundjeve të fuqishme që përfshinë këtë qytet, ditën e djeshme lëkundjet janë rikthyer sërish.
Tërmetet kanë nisur pasditen e djeshme dhe kanë zgjatur edhe përgjatë mesnatës. Ndërsa rreth orës 15:00 të pasdites së sotme lëkundja ka qenë 4.1 ballë me epiqendër në fshatin Arrës.
Lëkundjet e fuqishme janë ndjerë edhe fshatrat Floq dhe Qafë-Zezë, banorët e të cilëve kanë pësuar dëme të shumta materiale nga tërmetet e një muaji më parë.
Në datë 5 qershor vetë kryeministri pa nga afër situatën e krijuar teksa i premtoi banorëve se dëmet do të llogariten dhe të gjitha shtëpitë e ndërtuara do të rindërtohen brenda verës.
Komento
Komente
