KQZ i ka dërguar letër partive kryesore në vend për propozimet për anëtarët dhe sekretarët e KZAZ-ve për zgjedhjet parlamentare të 25 prillit.
Përmes një njoftimi KQZ thotë se partitë politike që gëzojnë të drejtën për të propozuar anëtarë duhet të dorëzojnë propozimet e tyre dhe dokumentacionin përkatës brenda datës 11 Janar, që do të thotë se kanë edhe 3 ditë kohë.
Sipas rezultatit të shortit të KQZ, Partia Demokratike e Shqipërisë do të propozojë anëtarin e shtatë të KZAZ-ve të renditura me numër tek, ndërsa Partia Socialiste e Shqipërisë do të propozojë anëtarin e shtatë të KZAZ-ve të renditura me numër çift.
Lëvizja Socialiste për Integrim ka dorëzuar në KQZ këtë të premte 92 emrat për anëtarët e KZAZ.
Njoftimi i KQZ:
Partitë politike që gëzojnë të drejtën për të propozuar anëtarë dhe sekretarë të KZAZ-ve për zgjedhjet për Kuvend, duhet të dorëzojnë propozimet e tyre dhe dokumentacionin përkatës brenda datës 11 Janar 2021.
Pranë KQZ-së do duhet të depozitojnë propozimet dhe dokumentacionin përkatës si më poshtë vijon:
1. Partia Socialiste e Shqipërisë do të propozojë:
- dy anëtarë në çdo KZAZ;
- anëtarin e shtatë në KZAZ-të e renditura me numër çift;
- sekretarin e KZAZ-së, në KZAZ-të e renditura me numër tek.
Partia Demokratike do të propozojë:
- dy anëtarë në çdo KZAZ;
- anëtarin e shtatë në KZAZ-të e renditura me numër tek;
- sekretarin e KZAZ-së, në KZAZ-të e renditura me numër çift.
Lëvizja Socialiste për Integrim do të propozojë një anëtar në çdo KZAZ;
4. Partia Social Demokrate do të propozojë një anëtar në çdo KZAZ;
Në shkallë vendi, 30% e anëtarëve të KZAZ-ve të propozuar nga Partia Socialiste dhe 30 % e anëtarëve të KZAZ-ve të propozuar nga Partia Demokratike, duhet të jenë nga secila gjini.
Bashkëngjitur gjeni shkresën që Komisioneri Shtetëror i Zgjedhjeve ju ka dërguar partive politike që gëzojnë të drejtën për të propozuar anëtarë dhe sekretarë të KZAZ-ve.
