Komisioni Qendror i Zgjedhjeve ka shpërndarë mandatet për 4 qarqe të tjera, sipas rezultatit të 11 majit. Ilirjan Celibashi në mbledhjen e kësaj të premteje shpërndau mandatet e Dibrës, Shkodrës, Beratit dhe Vlorës ndërsa më herët kishte shpërndarë mandatet edhe për Kukësin, Korçën, Gjirokastrën e Lezhën duke vulosur perëndimin total të 11 majit në 8 qarqe në total.
Partia Socialiste ka fituar 5 mandate në Berat, 3 mandate në Dibër, 5 mandate në Shkodër dhe 9 në Vlorë. Nga ana tjetër Partia Demokratike-koalicioni Aleanca për Shqipërinë Madhështore ka marrë në Berat, 2 mandate, në Dibër 2 mandate, në Shkodër 5 mandate dhe në Vlorë 3 mandate. Ditën e sotme përveç dy partive kryesore janë shpërndarë dhe 2 mandate për Partinë Social Demokrate e cila i fitoi në zgjedhjet e 11 Maj-it në Shkodër.
Mbeten për t’u mbyllur edhe 4 qarqe të tjera që duhet të presin për shpërndarjen e mandateve. Elbasani, Tirana, Fieri e Durrësi janë ende në proces në KAS pasi u vendos hapja e kutive dhe rinumërimi i tyre.
Komente
