Kryeredaktori i 'France Football', Vincent Garcia, ka konfirmuar se Ousmane Dembele e mundi Lamine Yamalin për 'Topin e Artë' 2025 me një "diferencë të madhe". Dembele dhe Yamal ishin lojtarët e fundit midis 30 të nominuarve, por ishte ylli i Paris Saint Germain ai që në fund e mori çmimin pas një sezoni historik 2024-25.
Garcia, i cili është në krye të organizatës 'France Football' që prezanton 'Topin e Artë' çdo vit, ka sqaruar se votimi përfundimtar nuk ishte i ngushtë këtë herë, me Dembele fituesin "e qartë".
Ai tha pas ceremonisë: "Nuk pati garë. Ousmane e fitoi me një diferencë të madhe. Në të gjitha kontinentet, 'Topi i Artë' i Ousmane Dembele është i qartë dhe i drejtpërdrejtë. Është një 'Top i Artë' që është autoritativ për gjyqtarët tanë", tha ai.
Pas humbjes së të birit në Paris, babai i Yamal, Mounir Nasraoui, shkaktoi polemika duke e quajtur fitoren e 'Topit të Artë' të Dembelesë si "dëmin më të madh moral" në futboll. Ai më tej pretendoi se Yamal ishte "deri tani lojtari më i mirë në botë" sezonin e kaluar.
Në moshën 28-vjeçare, Dembele bëhet francezi i gjashtë që fiton 'Topin e Artë', duke iu bashkuar një liste emrash legjendarë si:
Raymond Kopa (1958)
Michel Platini (1983, 1984, 1985)
Jean-Pierre Papin (1991)
Zinedine Zidane (1998)
Karim Benzema (2022)
Komente
