Kombëtarja shqiptare ka udhëtuar këtë të diel drejt Rigës, Letoni, në kuadër të ndeshjes kualifikuese për Kupën e Botës ndaj Letonisë, që do të luhet të martën, më 10 qershor, në “Skonto Stadions”, në orën 20:45.
Departamenti i Komunikimit në FSHF bën me dije se me skuadrën nuk ka udhëtuar vetëm kapiteni Berat Gjimshiti, i cili nuk do të jetë në dispozicion të trajnerit Silvinjo, pasi ka plotësuar numrin e kartonëve të verdhë.
Të gjithë lojtarët e tjerë kanë udhëtuar me ekipin dhe kuqezinjtë janë akomoduar menjëherë në hotel.
Të hënën, Kombëtarja do të mbyllë përgatitjet për ndeshjen ndaj Letonisë.
Lajmi kryesor:
Kombëtarja s'humbet kohë, zhvillon stërvitjen anti-Letoni me një mungesë të madhe! Mësohen arbitrat e sfidës, ekipi mbërrin në Rigë
K.M/ReportTv.al