VLORË- Shtëpia është bërë shkrumb e hi! Fatmirësisht dy anëtarët e familjes Hazizaj, me aftësi të kufizuara, arritën që të dilnin jashtë në momentin që flakët "pushtuan" banesën e tyre.
Megjithatë, në këtë ditë të parë të janarit ato nuk kanë "ku të fusin kokën" pasi shtëpia e tyre është shkrumbuar plotësisht.
Siç raporton gazetari Armand Xhelili, 2 anëtarët Agron dhe Halo Hazizaj kishin lënë dje ndezur oxhakun për t'u ngrohur, por flakët dolën jashtë kontrollit duke dëmtuar të gjithë shtëpinë.
Komento
