Deputetët e zgjedhur të Partisë Socialiste në zgjedhjet parlamentare të 11 majit për qarkun e Vlorës, do të jenë aktivë në terren për të identifikuar problematikat që lidhen me hapësirat publike në këtë qytet.
Përmes një postimi në rrjetet sociale, Rama shkruan se mandatet e marra janë një borxh i madh ndaj qytetarëve që duhet shlyer me punë konkrete.
'Skuadra e 11 majit për Vlorën është dhe do të vazhdojë të jetë në terren, për të bërë inventarin e problematikave me hapësirat e përbashkëta dhe shërbimet, duke dëgjuar qytetarët nga qendra në periferi, në respekt të plotë të 9 mandateve historike që na dhanë, e të cilat duhet t’i konsiderojmë një borxh të jashtëzakonshëm për t’u shlyer, në radhë të parë duke mos shkëputur lidhjet me komunitetet, po duke dëgjuar e punuar më shumë me njerëzit e zakonshëm dhe për njerëzit e zakonshëm', shkruan ai.
Komente
