Që prej së premtes kur nisi sulmi izraelit ndaj Iranit, mijëra udhëtarë në mbarë botën po përballen me anulime të shumta të fluturimeve.
Uebsajti i monitorimit te fluturimeve “Flightradar” tregon 9 sekondat se si u pastrua nga avionët hapësira ajrore mbi Iran, menjëherë pasi Izraeli sulmoi me raketa zemrën e programit bërthamor te Teheranit.
Hapësira ajrore përgjatë Iranit, Irakut, Izraelit dhe Jordanisë u përfshi nga kaosi. Shumë fluturime u devijuan dhe mijëra pasagjerë u bllokuan. Aeroportet në Izrael janë mbyllur deri në një njoftim të mëtejshëm dhe kompanitë ajrore kanë anuluar fluturimet drejt rajonit.
Pas sulmit, Irani, Iraku, Jordania dhe Siria mbyllën gjithashtu hapësirën e tyre ajrore. Eurocontrol vlerëson se të paktën 1800 fluturime janë prekur deri më tani vetëm për në Evropë dhe anasjelltas. Trafiku ajror u devijua ose në jug, nëpërmjet Egjiptit dhe Arabisë Saudite, ose në veri, nëpërmjet Turqisë, Azerbajxhanit dhe Turkmenistanit.
Lajmi kryesor:
Teherani në flakë, goditen depot e naftës! Irani sulmon bazat e furnizimit me karburant të avionëve në Izrael, 8 të vrarë e 200 të plagosur (VIDEO+FOTO)
K.M/E.H/ReportTv.al
