UKRAINË- Në prag të një vjetorit të luftës në Ukrainë, presidenti i SHBA-ve Joe Biden ka surprizuar me një vizitë të papritur në Kiev, si një formë mesazhi për Moskën. Teksa ndodhet aty, Biden zhvilloi edhe një konferencë të përbashkët me homologun e tij Volodomyr Zelensky, ku e çmoi për heroizmin e treguar në luftë. Biden shkoi në Ukrainë me tren, pasi kishte lajmëruar më herët se do të shkonte vetëm në Poloni, por pa vizituar Kievin, me argumentin se po mbrohet për shkaqe sigurie. Më tej, Zelensky u shpreh se me mbërritjen e presidentit të SHBA-ve në Kiev, fitorja e Ukrainës ishte një hap përpara. Në konferencën e përbashkët, Biden ri konfirmoi mbështetjen e SHBA-ve për Ukrainën.
"Amerika qëndron me ju dhe bota qëndron me ju. Unë e kujtoj mirë ditën e parë të pushtimit rus, një vit më parë të premten, kur Zelensky raportoi për shpërthimet në Kiev. Një vit më vonë, Kievi qëndron dhe Ukraina qëndron por më e rëndësishmja demokracia qëndron. Amerikanët qëndrojnë me ju dhe bota qëndron me ju," theksoi Biden.
Ai shprehu besimin se Ukraina, do të dominojë kundër Rusisë.
“Ukraina do të mbizotërojë kundër Rusisë në luftën më të madhe tokësore në Evropë në tre të katërtat e një shekulli.”- tha Biden më tej.
Presidenti i SHBA-ve lajmëroi në vizitën e tij në Kievin e rrënuar se plani monstruoz dhe brutal i presidenti rus, Vladimir Putinit ka dështuar, kjo për faktin se sipas tij dhjetëra mijëra rusë janë larguar nga vendi, sepse nuk shohin të ardhme në Kremlin.
Udhëheqësi i SHBA-së nderon mbështetjen e premtuar tashmë nga vendet e NATO-s dhe thekson raundin e fundit të ndihmës ushtarake prej 500 milionë dollarësh, që pritet të dërgohet nga Uashtingtoni në Kiev. Ashtu sikurse edhe Parlamenti Evropian ra dakord në seancë, këtë javë priten sanksione të reja goditëse për Moskën.
"Më vonë këtë javë, ne do të shpallim sanksione shtesë kundër elitave dhe kompanive që po përpiqen të shmangin sanksionet dhe të mbushin makinën e luftës ruse," tha ai.
Ndërsa homologu i tij ukrainas, Volodomyr Zelensky bëri i cilësoi negociatat e sotme si mjaft të frytshme. Ai u shpreh se pjesë e diskutimeve ishin edhe armët me rreze të gjatë , së bashku me armatimet shtesë që nuk janë furnizuar ende.
“Shpresojmë që ky vit 2023 të bëhet një vit fitoresh”, shton ai, duke vlerësuar “vizionin e përbashkët” që ndajnë të dy kombet. Negociatat sot ishin shumë të frytshme, shumë të rëndësishme dhe shumë vendimtare. Rindërtimi dhe rimëkëmbja e drejtësisë është gjithashtu e rëndësishme... dhe agresori duhet të marrë përgjegjësinë për agresionin dhe të rimbursojë dëmin.”- tha Zelensky.
Vizita e Biden u shoqërua me retorika të pritshme nga Kremlini, ku mediat e Mosokës e cilësuan vizitën si të rrezikshme. Nga ana tjetër prania e Biden në Kiev, ‘ndezi’ edhe mediat në Kinë, të cilat i dedikuan artikuj të posaçëm Presidentit të SHBA-ve.
Kulla Eiffel do të ndizet me ngjyrat e flamurit ukrainas, me rastin e njëvjetorit të fillimit të pushtimit rus në Ukrainë, të enjten më 24 shkurt, njoftoi një përfaqësues i autoritetit komunal të Parisit. të hënën.
“Qëllimi është të konfirmohet mbështetja e kryeqytetit francez për popullin ukrainas dhe gatishmëria e tij për të kontribuar në rindërtimin e vendit”, tha i njëjti zyrtar.
Monumenti ikonë i Parisit do të ndriçohet me ngjyrat e flamurit të Ukrainës nga mbrëma e së enjtes deri të dielën.
Sekretari i Përgjthshëm i NATO-s, Stoltenberg ka shprehur mendimin e tij për situatën e luftës mes Ukrainës dhe Rusisë dhe thotë se presidenti Putin nuk po tregon asnjë shenjë se dëshiron ta përfundojë luftën.
"Ne shohim të kundërtën. Putini nuk po planifikon paqen, ai po planifikon më shumë luftë. Rusët tashmë kanë nisur operacionet sulmuese në Bakhmut ", tha Stoltenberg.
Stoltenberg, duke treguar për luftimet në Bakhmut në lindje të Ukrainës, tha se rusët tashmë po nisin operacione sulmuese dhe synojnë ta godasin akoma më shumë Ukrainën dhe gjithë sistemin energjitik të saj, duke synuar që të ndikojnë edhe në gjendjen emocionale të popullit.
"Është e vështirë të thuhet nëse është një ofensivë e madhe apo është thjesht një lloj preludi për një ofensivë të madhe. Por gjithnjë e më shumë ushtarë dhe armë ruse po mbërrijnë atje. Rusia po përpiqet të kompensojë pajisjet dhe logjistikën e dobët me më shumë trupa. Është si hedhja e valëve të njerëzve në vijat mbrojtëse, një lloj luftimi që nuk është parë që nga Lufta e Parë Botërore. Nëse nuk ju intereson aq shumë për jetën e njerëzve, atëherë thjesht hidhni gjithnjë e më shumë prej tyre në luftë. Nëse duam që Ukraina të mbizotërojë si një komb sovran dhe nëse duam një zgjidhje paqësore nesër, atëherë duhet t'i japim mbështetje ushtarake sot. Efektiviteti i negociatave varet nga forca në fushën e betejës”, tha shefi i NATO-s për CNN.
Pas vizitës së papritur nga Joe Biden, presidenti Zelenskyy ka thënë se e ardhmja e një rendi botëror varet nga ngjarjet në Ukrainë.
Gjatë fjalimit të tij të natës me video, Zelenskyy tha: "Është pikërisht tani dhe këtu në Ukrainë që po vendoset e ardhmja e një rendi botëror të bazuar në rregulla, njerëzim dhe parashikueshmëri.
“Gjithçka që duhet është vendosmëria.
"Sot, pashë një vendosmëri të tillë nga Presidenti Biden dhe Shtetet e Bashkuara të Amerikës."
Presidenti shtoi se mbrojtja dhe nevojat e tjera për t'i dhënë fund agresionit rus tashmë njiheshin mirë nga partnerët e Ukrainës.
Presidenti ukrainas ka falënderuar Italinë për mbështetjen e saj ndaj Ukrainës përmes një video-mesazhi të shfaqur gjatë darkës gala në hotelin Gallia në Milkano, darkë e cila ka synim mbledhjen e fondeve për rindërtimin e stadiumit Irpin.
“Ne do të fitojmë, Ukraina, Evropa dhe e gjithë bota e lirë, fitorja është fati ynë”, thotë Volodymyr Zelensky.
Mbrëmja organizohet nga United Onlus, i cili së bashku me Andriy Shevchenko krijuan United për Ukrainën për të mbledhur ndihma për të mbështetur Kievin kundër pushtimit rus, gjithashtu edhe me bashkëpunimin e botës së sportit.
“Viti i kaluar ishte një nga më të vështirit në historinë e Ukrainës së pavarur dhe një nga më të vështirit në historinë evropiane, por fati ynë është të fitojmë dhe Italia do të fitojë me ne dhe me të gjithë ata që mbështesin popullin tonë dhe luftën tonë. Faleminderit të gjithëve për ndihmën, falënderoj të gjithë komunitetin italian: Giorgio Armani, Ac Milan dhe klubet e tjera të Serisë A, për mbështetjen e tyre në luftën tonë për liri. Do e kujtojmë kontributin tuaj në fitoren tonë. Le të mbizotërojë liria”, përfundon Zelensky.
Presidenti amerikan, Joe Biden ka mbërritur në Poloni pas një vizite të papritur në Kiev, raportoi agjencia shtetërore e lajmeve PAP, duke cituar zëvendësministrin e Jashtëm polak. Vizita e paparalajmëruar e presidentit amerikan në Kiev erdhi disa ditë 1 vjetorit të pushtimit rus.
Kreu i diplomacisë së partisë Komuniste Kinezë, Wang Yi ka njoftuar se ditën e nesërme do vizitojë Moskën me qëllim që t'i paraqes Putinit një plan paqeje mes Rusisë dhe Ukrainës. Ai tha se Kina dëshiron paqen mes dy vendeve dhe pritet të ilustrojë planin e paqes të Pekinit.
Kujtomë se më datë 24 shkur shënohet përvjetori i luftës së egër midis Rusisë dhe Ukrainës dhe të gjith avendet perëndimore e kanë mbështetur Ukrainën në këtë luftë, qoftë me mjete luftarake, qoftë duke e përkrahur publikisht.
"Irracionale dhe egoiste". Kështu, e cilësoi Global Times, i botuar nga People's Dail , organ i Partisë Komuniste Kineze, vizitën e papritur të Joe Biden në Kiev , duke cituar opinionet e disa "vëzhguesve".
“Ekspertët thonë se sinjalet e rrezikshme të dërguara nga ky udhëtim do të shkaktojnë një përshkallëzim të konfliktit”, vazhdon artikulli i cili nënvizon se Biden “duket se po e shtyn Ukrainën të veprojë si pengu i tij për të mposhtur Rusinë, por qëllimi është i rrezikshëm dhe irracional”.
"Shtetet e Bashkuara po hedhin benzinë në zjarrin e një situate tashmë të tensionuar dhe konflikti mund të përshkallëzohet më tej dhe të dalë jashtë kontrollit," përfundoi ai, duke cituar Li Haidong, një profesor në institutin e marrëdhënieve ndërkombëtare të Universitetit të Punëve të Jashtme të Kinës.
Një lëvizje e re po ndodh nga të gjitha vendet që përkrahin Ukrainën në luftë për t'i bërë një "gjyq publik" presidentit rus, Vladimir Putin dke mbështetur idenë se ai ka kryr krime lufte. Është një lëvizje simbolike për të mbyllur një "boshllëk llogaridhënieje" në mungesë të një gjykate ndërkombëtare me juridiksion. Gjykata nuk ka kompetenca ligjore, por prokurorët thonë se do të paraqesin prova se presidenti rus kreu krimin e agresionit duke urdhëruar pushtimin gati një vit më parë.
"Ky është një krim që kërkon përgjegjësi," tha Dreë Ëhite, një avokat kanadez që vepron si një nga prokurorët e gjykatës.
Ndërsa Gjykata Ndërkombëtare Penale ka hapur një hetim për krimet e kryera në Ukrainë, ajo nuk ka juridiksion për të ndjekur penalisht liderët e Rusisë për agresion. Megjithatë, presioni ndërkombëtar është në rritje për krijimin e një gjykate speciale për të ndjekur penalisht krimin.
Legjislatura e Bashkimit Evropian miratoi një rezolutë jodetyruese në janar duke i bërë thirrje bllokut 27-vendesh që të punojnë në bashkëpunim të ngushtë me Ukrainën për të krijuar një të tillë. Holanda, shtëpia e disa gjykatave ndërkombëtare, ka ofruar ta presë atë.
Gjykata e Popullit është një iniciativë e grupit "inema për Paqe, Qendrës së Ukrainës për Liritë Civile " dhe Ben Ferencz, avokati 102-vjeçar që është prokurori i fundit i mbijetuar nga gjyqet e pas Luftës së Dytë Botërore në Nuremburg të liderëve të lartë nazistë.
Një javë seancash u hapën në Hagë dy ditë pasi zëvendëspresidentja e SHBA-së Kamala Harris tha se Uashingtoni ka përcaktuar se forcat ruse në Ukrainë kanë kryer krime lufte kundër njerëzimit dhe këmbënguli që autorët të sillen para drejtësisë. Gjykata është planifikuar të japë një vendim të premten, në përvjetorin e pushtimit të Rusisë.
Putin u ftua të merrte pjesë në seancë, por organizatorët nuk morën përgjigje nga ambasada ruse në Hagë.
Presidenti i SHBA Joe Biden ka thënë se kryeqyteti ukrainas ka rrëmbyer një pjesë të zemrës së tij dhe se në të ardhmen do të kthehet sërish atje.
Pas vizitës së tij në Kiev, Biden u shpreh në këtë mënyrë në rrjetin e tij social twitter.
"Kiev ka rrëmbyer një pjesë të zemrës sime. E dija se do të kthehesha," shkroi Biden.
Ministri i Jashtëm i Italisë, Antonio Tajani ka thënë se po përgatitet një dokument që synon paqen, i cili do të paraqitet në Asamblenë e Kombeve të Bashkuara.
"Në Asamblenë e Kombeve të Bashkuara do të paraqesim një dokument, me nxitjen e vendeve perëndimore. Po mbledhim nënshkrime, po përmbyllim tekstin. Do të jetë një mesazh i rëndësishëm solidariteti me Ukrainën, që synon paqen, i cili do të miratohet nga selia prestigjioze e Kombeve të Bashkuara. Një zë i lartë do të ngrihet nga Nju Jorku në përvjetorin e luftës”, tha ministri i Jashtëm i Italisë, Tajani.
Përfaqësuesi i Lartë i BE-së për Politikë të Jashtme, Josep Borrell, është shprehur se paketa e 10-të e sanksioneve për Moskën.
“Ne kemi diskutuar paketën e dhjetë të sanksioneve që kemi paraqitur. Jemi në rrugë për ta miratuar, është çështje orësh apo ditësh, në çdo rast do të miratohet para datës 24 shkurt”.
Kështu ka deklaruar Përfaqësuesi i Lartë i BE-së për Politikë të Jashtme, Josep Borrell, në përfundim të Këshillit të Punëve të Jashtme në Bruksel.
"Unë do t'u paraqes propozime konkrete ministrave të mbrojtjes në Stokholm më 7 dhe 8 mars", sepse, në kontekstin e mbështetjes ushtarake për Ukrainën, "është e qartë se ne duhet të nisim procedurat për të rritur kapacitetin e industrisë evropiane për të prodhuar gjithnjë e më shumë. shpejt" përmes "tenderave të mundshëm në nivel evropian për të adresuar nevojat urgjente të Ukrainës", tha Josep Borrell, në fund të Këshillit të Punëve të Jashtme të BE-së. "Por është gjithashtu e qartë - shtoi ai - se në javët e ardhshme mënyra më e mirë për t'i ofruar municion Ukrainës është të ndajmë municionet dhe rezervat ekzistuese midis ushtrive të ndryshme evropiane".
Lufta në Ukrainë ka shënuar një numër të madh të civilave të vrarë dhe të plagosur, por midis tyre të shumtë kanë qenë edhe fëmijët. Çdo ditë në Ukrainë vriten ose plagosen mesatarisht 4 fëmijë, kryesisht nga sulmet me armë shpërthyese në zonat e populluara. Sipas organizatës “Save the Children” 438 fëmijë kanë humbur jetën që nga fillimi i luftës dhe 851 të tjerë janë plagosur. Nga qindra civilë që kanë qenë në incidente me mjete shpërthyese, rreth 40% kanë vdekur nga plagët e tyre, 22% e këtyre vdekjeve janë gra dhe fëmijë. Më shumë se 20% e ndërtesave shkollore të vendit, 1 në 5 janë dëmtuar ose shkatërruar. Lufta prek në mënyrë dramatike të vegjlit. Vitin e fundit, vajzat dhe djemtë u detyruan të fshiheshin nën tokë për rreth 920 orë, e barabartë me 38.3 ditë, më shumë se një muaj. Ky është alarmi i lëshuar nga Save the Children në raport.
Japonia ka zbuluar një paketë të re ndihme financiare prej 5.18 miliardë eurosh për ukrainasit në betejën kundër rusëve.
Duke folur në një forum global në Tokio, kryeministri japonez deklaroi se përvjetorin e parë të luftës do ta shënonte duke duke pritur një samit online të G7.
Fumio Kishida tha se Ukraina ende po vuan shkaku i pushtimit rus ndërsa ukrainasit kanë nevojë që ta rinisin jetën e tyre të përditshme.
Presidenti ukrainas, Volodymyr Zelensky paralajmëroi sot Kinën se do të shpërthente një luftë botërore nëse Pekini do të mbështeste Rusinë në luftën e saj kundër Ukrainës.
Komentet e Zelensky-t erdhën ndërsa Kina tha se Shtetet e Bashkuara nuk ishin në gjendje të bënin kërkesa, pasi sekretari amerikan i shtetit paralajmëroi homologun e tij kinez gjatë fundjavës që të mos furnizonte Rusinë me armë kundër luftës në Ukrainë.
“Për ne është e rëndësishme që Kina të mos e mbështesë Federatën Ruse në këtë luftë. Në fakt unë do të doja që Kina të ishte në anën tonë. Për momentin, megjithatë nuk besoj se kjo është e mundur. Por unë mendoj se është një mundësi për Kinën që të bëjë një vlerësim realist të asaj që po ndodh këtu, sepse nëse Kina bëhet aleate me Rusinë, do të ketë një luftë botërore dhe mendoj se Kina e di këtë", tha Zelenksy në një intervistë për gazetën gjermane Die Ëelt
Lidhur me Moldavinë, Zelensky tha se Ukraina i kishte përcjellë informacione presidentes moldave Maya Sandu që tregonte se Rusia po planifikonte një grusht shteti në Moldavi.
“Maya Sandu nuk më kërkoi asnjëherë ndihmë, por më falënderoi për informacionin. Ajo e njeh shumë mirë situatën tonë. Ukraina do të jetë gjithmonë e gatshme të ndihmojë Moldavinë”, shtoi ai.
Kremlini tha në një deklaratë sot se marrëdhëniet e Rusisë me Moldavinë janë shumë të tensionuara dhe akuzoi liderët moldavë për ndjekjen e një axhende anti-ruse, një javë pasi Kishinau tha se kishte penguar një përpjekje ruse për grusht shtet.
Mbreti Charles III ka vizituar trupat ukrainase në stërvitje në Wiltshire. Këtë e raporton The Guardian , duke postuar një foto ku shihet mbreti Charles III duke shtrënguar duart me ushtrinë në Kiev. Charles shoqërohej nga gjenerali Sir Patrick Sanders, Shefi i Shtabit të Ushtrisë.
Mbretëria e Bashkuar ka treguar gatishmërinë e saj për të mbështetur Ukrainën jo vetëm publikisht, por edhe me anë të mejteve luftarake dhe stërvitjes së trupave ukrainase në territorin britanik. Mbrti Charles III dhe kryeministri britanik Sunak kanë thënë se lufta e Ukrainës është e drejte dhe është për lirinë e vendit.
Joe Biden pati një bisedë të gjatë me presidentin ukrainas në Kiev, gjatë së cilës ata trajtuan temën e "muajve të ardhshëm të luftës" dhe asaj që Ukraina ka nevojë për të mbrojtur veten kundër agresionit rus, si dhe procesin drejt vendimeve të drejta dhe të qëndrueshme. Kështu deklaroi këshilltari amerikan për sigurinë kombëtare, Jake Sullivan , në një konferencë virtuale nga Kievi me një grup gazetarësh. Presidenti amerikan ka treguar sërish mbështetjen e tij dhe ka shprehur mirënjohjen e tij e tij ndaj popullit ukrainas, pasi kanë përjetuar momente tragjike dhe kanë vdekur shumë civil.
Këshilltari amerikan për Siguri Kombëtare, Jake Sullivan ka konfirmuar se delegacioni presidencial e ka informuar Rusinë për udhëtimin e presidentit amerikan, Joe Biden për Kiev.
Udhëtimi është planifikuar që disa muaj, mirëpo vendimi është marrë të premten.
Shtëpia e Bardhë është thënë të ketë njoftuar rusët për udhëtimin e Bidenit disa orë para nisjes për në Kiev, në mëngjesin e së dielës.
Joe Biden është larguar nga Ukraina pas takimit me Volodymyr Zelenskyy këtë mëngjes.
Presidenti amerikan mbërriti në Kiev për të zhvilluar bisedime me homologun e tij ukrainas dhe për të riafirmuar mbështetjen e tij për vendin e shkatërruar nga lufta.
Gjatë vizitës së tij, Biden në mënyrë të befasishme premtoi një paketë mbështetjeje për Ukrainën dhe nuk arriti të bënte një njoftim për furnizimin e avionëve luftarakë.
Presidenti i SHBA-ve, Joe Biden ka shkruar në shënim në vizitën e tij të papritur në Kiev duke shprehur solidaritetin dhe mbështetjen e madhe të SHBA-ve për Ukrainën.
"Jam i nderuar që jam mirëpritur përsëri në Kiev dhe kështu mund të tregoj solidaritetin dhe miqësinë time me popullin liridashës të Ukrainës," shkroi presidenti amerikan Joe Biden në një deklaratë për vizitën e tij në pallatin presidencial në Kiev.
"Zoti President, ju lutem pranoni respektin tim të thellë për guximin dhe udhëheqjen tuaj. Slava Ukraini! Joe Biden."
Shënimi i Joe Biden në Kiev.
Presidenti i Ukrainës, Zelensky në një konferencë të përbashkët me Presidentin e SHBA-ve, Joe Biden në Kiev.
"Sot negociatat tona ishin shumë të frytshme dhe të rëndësishme. Shpresojmë që ky vit 2023 të bëhet një vit fitoresh”, shtoi ai, duke lavdëruar “vizionin e përbashkët” të përbashkët nga të dy kombet.”- u shpreh Zelensky.
Sirenat e sulmit ajror tingëllojnë ndërsa presidenti i SHBA-ve, Joe Biden po zhvillon një takim me kryeministrin e Ukrainës, Volodymyr Zelensky në Kiev.
Në momentin që dyshja largohet nga Katedralja e Shën Michael në qendër të Kievit, dëgjohen sirenat e sulmit në të gjithë kryeqytetin.
BBC raporton se, vizita në Kiev mbeti sekret për shkak të shqetësimeve të sigurisë.
????#BREAKING: President Biden visits Kyiv ahead of the one-year anniversary of Russia’s invasion of Ukraine. As air raid sirens sound off pic.twitter.com/zsgpdyVXn3
— R A W S A L E R T S (@rawsalerts) February 20, 2023
Presidenti amerikan Joe Biden ka mbërritur sot në Kiev, për tu takuar me presidentin e Ukrainës Volodymys Zelensky. Vizita nuk ishte bërë publike, pasi në itinerarin zyrtar thuhej se Biden do të vizitonte Poloninë, por presidenti amerikan sapo ka mbërritur në kryeqytetin Ukrainas.
Pas mbërritjes në Kiev, presidenti amerikan u drejtua për në pallatin presidencial të Ukrainës, ku u prit nga Zelensky.
“Joe Biden, mirë se erdhe në Kiev! Vizita juaj është një shenjë jashtëzakonisht e rëndësishme e mbështetjes për të gjithë ukrainasit”, tha presidenti ukrainas.
Sipas Sky News, presidentët e SHBA-së dhe Ukrainës po diskutojnë furnizimin e armëve me rreze të gjatë dhe një paketë të re ndihme ushtarake. Sipas Zelensky, mbështetja ushtarake e premtuar nga Biden do të arrijë në 500 milionë dollarë, ndërsa më shumë detaje do të bëhen të ditura të martën.
