Një moment, ku dukej sikur presidenti francez Emmanuel Macron qëllohej me shuplakë nga gruaja e tij Brigitte pas mbërritjes së avionit presidencial në Vietnam, u bë viral. Kur dera e avionit hapet, kamera kapi siluetën e Macron si edhe duart e Brigitte mbi fytyrën e presidentit francez, një lëvizje që dukej si shuplakë.
Macron duket i befasuar, del jashtë për të përshëndetur të pranishmit, siç dikton protokolli. Më pas presidenti francez, siç e ka zakon, ia zgjat dorën në mënyrë diskrete gruas së tij. Por Brigitte Macron refuzon dhe mbahet në shkallët e avionit, duke ngritur pyetje rreth asaj që ka ndodhur mes tyre.
A po grindeshin? Në media sociale ‘shpërthyen’ me furi teoritë konspirative. Pallati Elize, i përballur me sasinë e madhe të ripostimeve dhe komenteve mbi videon, fillimisht mohoi se ishte autentike. Pastaj, pasi rezultoi e kundërta, burime nga Elize folën për një “moment afërsie” mes tyre.
“Ishte një moment kur presidenti dhe gruaja e tij po relaksoheshin për herë të fundit para se të fillonte udhëtimi, duke ngacmuar njëri-tjetrin me shaka. Nuk kishte nevojë për më shumë për të ushqyer mullinjtë e teoricienëve të konspiracionit”, shtoi burimi.
Pas videos që u bë virale, ku gruaja e qëlloi në fytyrë me shuplakë presidentin Emmanuel Macron, ndërsa mbërritën në Vietnam për një vizitë diplomatike, Macron mohoi çdo “mosmarrëveshje familjare” me gruan e tij Brigitte.
Ndërsa po zbrisnin nga avioni në Vietnam, bashkëshortja e Macron e shtyn me dorë atë, i cili mbrohet e më pas përshëndet me dorë mikpritësit e tij poshtë shkallëve të avionit.
Ai shpjegoi se kanë qenë duke bërë shaka, ashtu siç bëjnë shpesh me bashkëshorten e tij, ndërsa tha se edhe video të tjera më parë janë keqinterpretuar.
“Video të pakuptimta dhe thjesht po bëja shaka me gruan time, siç bëjmë shpesh. Për mua, kanë kaluar tre javë. Nëse shikoni axhendën ndërkombëtare të presidentit francez, nga Kievi në Tiranë e deri në Hanoi, ka njerëz që kanë parë video dhe mendojnë se kam ndarë një qese kokaine, se kam pasur një takim kokë më kokë me një president turk dhe se tani po zihem me gruan time. Asnjë nga këto nuk është e vërtetë. Pra, të gjithë duhet të qetësohen dhe të përqendrohen te lajmet e vërteta”, shtoi Macron.
Komente
