Një sulm vdekjeprurës ndodhi mëngjesin e sotëm, në një shkollë në Graz të Austrisë. Është raportuar se në mesin e viktimave ishte edhe një nxënëse nga Kosova.
Burime të IndeksOnline pohojnë se viktima në fjalë është 15-vjeçare, me prejardhje nga Vitia.
Sipas informacioneve të siguruara nga IndeksOnline bëhet e ditur se nga kjo tragjedi pësuan me fatalitet 9 nxënës, një mësuese dhe personi që kreu aktin, i cili dyshohet të jetë vetëvrarë në banjon e shkollës.
Ndërkohë, presidentja Vjosa Osmani ka thënë se ky sulm është i tmerrshëm dhe se shkollat nuk duhet të jenë vende dhune dhe terrori.
“Ne mendojmë për familjet që humbën të dashurit e tyre dhe qëndrojmë me popullin e Austrisë gjatë kësaj kohe të dhimbshme. Lutemi për shërim të plotë të të plagosurve dhe për shërim në ditët në vijim”, ka shkruar Osmani në platformën “X”.
Mediat austriake kanë raportuar se 30 persona kanë mbetur të plagosur në të shtënat, mëngjesin e së martës në Graz të Austrisë. I dyshuari për sulmin ishte ish-nxënës i shkollës./Indeksonline
Lajmi kryesor:
Austri/ Masakër me armë zjarri në një shkollë në Graz, 10 të vdekur, 28 të plagosur! Mediat: Autori një ish-nxënës, ndihej i bullizuar (Foto+Video)
H.K/ReportTv.al