Ekspertët shëndetësorë kanë theksuar se djersitja dhe fërkimi i maskës në fytyrë mund të çojnë në dëmtim të ndjeshëm të lëkurës.
Mjekët, infermierët dhe personeli i kujdesit shëndetësor që luftojnë COVID-19 në frontin e parë duhet të kalojnë shumë orë në ditë duke mbajtur maskë.
Nëse zbatojmë këshillat e thjeshta si mbajtja e lëkurës së pastër, të hidratuar dhe të lagur mund të ndihmojë në shmangien e dëmtimit të lëkurës nga maskat e fytyrës, sipas një studimi të fundit botuar në “Journal of Wound Care”.
Dermatologu D.M. Mahajan nga Spitalet në New Delhi gjithashtu tha se hidratimi i thellë i lëkurës është i rëndësishëm për njerëzit që duhet të mbajnë maskë për një kohë të gjatë.
“Nëse është e mundur, hiqni maskën për një kohë pasi të keni një distancim shoqëror dhe vazhdoni të ndryshoni maskën çdo 8-9 orë. Mjekët duhet të jenë shumë të kujdesshëm pasi distancimi shoqëror nuk është i mundur gjatë gjithë kohës. Për të mos u infektuar, ata duhet të mbajnë një maskë e cila duhet të jetë e ngushtë. Mbajtja e saj për një kohë të gjatë sjell presion në hapësirën e hundës, përreth faqeve dhe nofullës”, u shpreh Mahajan për IANS.
Veshja e maskave për një kohë të gjatë mund të shkaktojë skuqje, thatësi, puçrra ose pika të zeza.
Këshillohet që të mos mbahen maska të tipit N95, por ato më të thjeshta për shkak të përbërjes së tyre dhe formës që kanë.
Këto maska kanë një shirit të hundës prej alumini të lakueshëm të vendosur për një vulë më të fortë të hundës, por ajo mund të shkaktojë dermatit alergjik dhe melanozë mbi hundë, sipas mjekut.
Lagështia që mblidhet rreth maskës e veçanërisht në temperaturën e trupit mund të sigurojë një mjedis të përsosur që bakteret të lulëzojnë dhe mund të shkaktojnë infeksione si folikuliti, veçanërisht te burrat me mjekër të rëndë.
Dermatozat para-ekzistuese si puçrrat dhe infeksionet kërpudhore gjithashtu mund të përkeqësohen për shkak të mbledhjes së djersës.
Nëse para vendosjes së maskave aplikohet mbi lëkurë hidratues me bazë vaji, mund të çojnë në bllokimin e poreve të lëkurës.
Këshillohet që të mos përdoret make up, pasi bllokon poret dhe mund të sjellë dëmtim të lëkurës.
Nëse duhet të mbajmë maskë për një kohë të gjatë nuk këshllohet vendosja e make-upit, por vetëm një krem hidratues.
"Ndryshimi i shpeshtë i maskës, mund të praktikohet për të parandaluar këto efekte të dëmshme dermatologjike", vuri në dukje mjeku.
