Mbetet kritike situata nga zjarri në fshatin Xath të Fushë Arrëzit, pasi era po përhap flakët.
Në të gjithë ekonominë pyjore të Kurorë Dardhës janë afro 30 vatra aktive që kanë përfshirë rreth 50 hektarë pyje pishe e bredhi, një pjesë e të cilave janë djegur plotësisht.
Aktualisht janë angazhuar forcat pyjore të bashkisë Fushë Arrëz, të ushtrisë, Shërbimi Pyjor i Fushë Arrëzit, Pukës e Kukësit. Situata vijon të mbetet problematike pasi era po përhap me shpejtësi vatrat, duke bërë të pakalueshme edhe rrugën nacionale Fushë Arrëz-Bajram Curri.
Të evakuuar vijonë banorët e fshatrave Xath e Flet. Flakët po rrezikojnë dhe linjat e tensionit të lartë që lidhin hidrocentralin më të madh të vendit, Fierzën me nënstacionin e Fushë Arrëzit.
Lajmi kryesor:
Delvina rrethohet nga flakët, Vengu për Report Tv: Rreziku për banesat kaloi! Ditë dramatike në Gramsh, disa fshatra ‘pushtohen’ nga zjarri, vdes 80-vjeçari nga asfiksia! Digjen banesa, evakuohen banorët
Xh.D/ReportTv.al