Letonezët e Riga FS shkruan historinë në Europa League, teksa të enjte mposhtën 1-0 në fushën e tyre gjigantët e Ajax. Të themeluar në 2005 dhe kampionë të vendit të tyre, Riga iu fal golit të Markhiev në minutën e 78-të për të marrë tri pikë.
Pjesë e kësaj historie me ekipin e tij ishte edhe Herdi Prenga, mbrojtësi 30-vjeçar që prej dy sezonesh është pjesë e këtij ekipi. I formuar në futbollin kroat, Prenga ka qenë pjesë e Dinamo Zagreb, Lokomotiva Zagreb apo edhe e Kisvarda në Hungari, para se të kalonte te Riga në 2019 për herë të parë dhe të rikthehej më pas në verën e 2023.
Prenga në 2018 ka qenë pjesë edhe e Kombëtares A të Shqipërisë duke luajtur në dy takime.
Komento
Komente
