Këngëtarja, Anxhela Peristeri e cila përfaqësoi Shqipërinë në Eurovizion, me këngën “Karma” nuk ka arritur të shkojë më shumë se vendi i 21. Por shfaqja e këngëtares nuk kaloi pa u komentuar nga publiku.
Tekstshkruesi i kësaj kënge, Olti Curri, i ka dalë në mbrojtje këngëtares ndaj atyre që kritikuan veshjen e Peristerit, por edhe performancën e saj në skenën evropiane. Me anë të një postimi në Instagram, ai thekson, se është më mirë që shqiptarët të shijojnë produktin se sa të adresojnë kritika.
“Boll na çatë sumandrën për veshjen e Anxhelës… Ja edhe kjo ka diçka të përafërt dhe është trend. Thjesht nuk shkëlqen si Anxhela… Se nuk ka aq shalë dhe vokalin e saj. Do gjeni përherë diçka. Shijojeni aty se na ka ngritur zemrat peshë dhe boll bëtë vërr-vërr. Më mirë si Byonce sesi nënë Tixhja”, shkruan Curri.
Postimi i Olti Currit në Instastory
Lajmi kryesor:
Italia fiton 'Eurovision 2021', Anxhela Peristeri e 21-ta, përcaktuese vota e publikut (VIDEO)
M.Q./ReportTv.al