I penduari i drejtësisë, Artan Tafani ka zbuluar emrat e autorëve të përfshirë në vrasjen e mbetur në tentativë ndaj Kujtim Metës, në 20 prill të vitit 2022 në Lushnjë.
Si tentuan të eliminonin Kujtim Metën?
Kujtim Meta ka qenë në lokal duke pirë kafe kur është qëlluar me dy plumba në bark nga një person i maskuar. Ngjarja ka ndodhur rreth orës 16:15, të 20 prillit 2022 në afërsi të stacionit të trenit. Meta ka qenë i vetëm në tavolinë, kur një person ka zbritur nga makina pak metra larg lokalit, ka ecur në këmbë dhe është futur brenda në lokal duke qëlluar në drejtim të tij. Në vendin e ngjarjes ka qenë vetëm pronari i lokalit, i cili pohoi atëherë për Report Tv se atentatori mbante të veshur një maskë të zezë në kokë, ndërsa është ndihmuar nga një person tjetër për t'u larguar me makinë nga vendi i ngjarjes.
Lajmi kryesor:
‘Kurrë mos harro’, zbërthehet Artan Tafani, goditet banda e Laert Haxhisë! Zbardhen 6 vrasje, arrestohen 12 persona, 4 tjerë në kërkim
M.T//ReportTv.al