Report Tv ka zbardhur emrat e policëve të arrestuar dhe të pezulluar nga detyra në pikën e kalimit kufitar në Morinë për korrupsion dy ditë më parë, pasi u zbuluan se u merrnin lekë nën dorë qytetarëve dhe më pas ryshfetin e ndanin me njëri-tjetrin.
Mësohet se ky hetim i përbashkët i SPAK, Policisë së Shtetit dhe Agjencisë së mbikëqyrjes Policore dhe pala kosovare është kryer në kohë reale. Pak dite para arrestimit, efektivët e policisë kanë pikasur kamerat përgjuese dhe mikrofonët e BKH dhe i kane thyer ato.
Por këto kamera zbuluan 312 raste korrupsioni, me zë e figurë, që çuan në pranga policët. Arrestimet janë bërë në zyrat e drejtorisë kufitare, u përdor si truk thirrja e analizës 3 mujore të punës së drejtorisë se kufirit, ndërsa policëve iu vunë prangat brenda në mbledhje. Po ashtu u pezullua nga detyra edhe drejtori i Drejtorisë së Kufirit dhe Migracionit në Kukës, Fran Kaçorri.
GJKKO në një seancë rreth 5 orë ka vendosur që të lë në fuqi masat e SPAK, ku 15 efektivë u lanë në ‘Arrest me burg”, 14 në “arrest shtëpie”, ndërsa 4 të tjerë u pezulluan nga detyra. Gjatë seancës pala mbrojtëse i ka kërkuar GJKKO që të shpallë moskompetencë për këtë çështje dhe dosja t'i kalojë Prokurorisë së Kukësit, por që nuk është pranuar.
Sipas SPAK, dyshohen se për muaj të tërë u kanë mundësuar dhjetëra qytetarëve shqiptarë dhe kosovarë kalimin kufitar në mënyrë të parregullt, për çka dhe kanë pranuar si ryshfet shuma të konsiderueshme të parave. Policët shqiptarë bashkëpunonin me ata të Kosovës, ndërsa autoritet atje njoftuan se kanë arrestuar 26 policë.
Nga hetimi janë dokumentuar 312 episode të veprimeve korruptive të punonjësve të policisë, të cilët favorizonin persona të ndryshëm për futjen e mallrave kontrabandë; persona që trafikonin automjete, sende të tjera të kundraligjshme; ndihmonin për të kaluar kufirin persona të ndryshëm me problematika ligjore për hyrjen dhe daljen e tyre ne vendet e BE-së, sa i përket regjistrimeve fiktive për hyrjen dhe daljen në territorin shqiptar; si dhe ndihmonin persona të tjerë që kishin probleme me ligjin, të cilët nuk regjistroheshin në sistemin TIMS, pasi nuk lejohej udhëtimi i tyre për në Kosovë dhe anasjelltas.
Report Tv siguroi edhe videon ekskluzive të efektivëve të arrestuar, ku pamjet tregonin mënyrën sesi grumbulloheshin dhe ndaheshin paratë ndërmjet efektivëve. Njëra nga efektivet shihet duke numëruar ryshfetin që ka përftuar nga qytetarët duke shpërdoruar detyrën, ndërsa monitorimi i tyre është kryer nga kamera përgjimi, të vendosura nga prokuroria.
Nga hetimi ka rezultuar se policët i merrnin qytetarëve minimalisht nga 10 euro-100 euro, për vepra të ndryshme penale, si kontrabanda, sende të tjera të kundraligjshme etj, të cilat i ndanin më pas me njëri tjetrin në fund të turnit. Ndërsa fitimet ndërmjet tyre arrinin deri në 8000 euro në ditë.
Policët e arrestuar
1. Laert Sulo (Burg)
2. Ani Haxholli (Burg)
3. Emilton Asllanaj (Burg)
4. Halim Shehu (Burg)
5. Arben Kastrati (Burg)
6. Arjan Sokoli (Burg)
7. Dashnor Braha (Arrest shtëpie)
8. Elidjana Toçilla (Arrest shtëpie)
9. Endrit Uka (Arrest shtëpie)
10. Fatri Iseberi (Burg)
11. Fatri Braha (Burg)
12. Gëzim Duraku (Arrest shtëpie)
13. Haqif Halilaj (Arrest shtëpie)
14. Kapllan Dogjani (Burg)
15. Sazan Ibra (Arrest shtëpie)
16. Mimoza Shahinaj (Arrest shtëpie)
17. Muhamet Cengu (Burg)
18. Urim Lami (Burg)
19. Rezarta Lako (Arrest shtëpie)
20. Vehbi Nerguti (Burg)
21. Xhuljana Maksutaj (Arrest shtëpie)
22. Bedri Duraku (Burg)
23. Arben Goçi (Burg)
24. Reni Dokolli (Burg)
25. Shpëtim Cenaj (Arrest shtëpie)
26. Atli Jashari (Arrest shtëpie)
27. Xhaferr Elezi (Arrest shtëpie)
Të pezulluar nga detyra:
1. Fran Kacorri
2. Arta Rredhaj
3. Avni Tershalla
4. Sule Onuzi
Prokuroria dhe policia ka regjistruar 312 episode ku efektivët e policisë në pikën e kalimit kufitar në morinë kanë marrë ryshfete me qëllim kalimin e personave të cilët ishin në shkelje. Në një prej episodeve është protagoniste edhe këngëtarja Zajmina Vasjari e cila nga regjistrimet zbulohet se ka kaluar fëmijët e saj në kufi pa prokurën e posaçme.
Në dosjen e prokurorisë theksohet se datën 02.01.2022 ora 10:57 në aplikacionin Whatsapp shtetasi i regjistruar me emrin “Tani Durrës” i thotë, Laertit Sulos me sms se në kufi ndodhet bashkëshortja e një mikut të tij bashkë me fëmijët, duke përmendur emrin e Zajmina Vasjarit, mirëpo nuk ka prokurë.
Laert Sulo Polici: Kur do kthehet:
Tani: Ja ta pyes… dy ditë datë 4 ka kthim…
Laerti: Ok çfarë makine ka ose jepi nr tim të flas me të……
Tani: “Renxh Rover “AA001UD”…
Menjëherë më pas ora 11:00 Laert Sulo ja kalon me mesazh targën e automjetit të shtetases si porosi për ta ndihmuar punonjësit të policisë Emilton Asllanaj me detyrë përgjegjës turni në P.K.K Morine duke i thënë:
Laert Sulo: Ndihmoje pak është duke ikur për në Kosovë, duhet ta njohësh Zajmina Vasjari.
Nga verifikimi në sistemin TIMS rezulton se shtetasja Zaimina Vasjari ka kryer dalje nga Republika e Shqipërisë në datë 02.02.2022 dhe ka hyrë në datë 04.02.2022, duke kaluar kufirin me mungesë dokumentacioni Prokurore për fëmijët e mitur, duke u favorizuar dhe ndihmuar nga punonjësi i policisë Emilton Asllanaj kundrejt porosisë të marrë nga shefi i stacionit Laert Sulo. Po ashtu, nga verifikimi në sistemin TIMS rezultojnë të regjistruar edhe dy fëmijët e saj të mitur./TemA
Korrupsion në Morinë, Gjykata e Posaçme lë në fuqi kërkesën e SPAK për efektivët, 4 pezullime, 12 arrest shtëpie dhe 15 arrest me burg
Policët e arrestuar
1. Laert Sulo (Burg)
2. Ani Haxholli (Burg)
3. Emilton Asllanaj (Burg)
4. Halim Shehu (Burg)
5. Arben Kastrati (Burg)
6. Arjan Sokoli (Burg)
7. Dashnor Braha (Arrest shtëpie)
8. Elidjana Toçilla (Arrest shtëpie)
9. Endrit Uka (Arrest shtëpie)
10. Fatri Iseberi (Burg)
11. Fatri Braha (Burg)
12. Gëzim Duraku (Arrest shtëpie)
13. Haqif Halilaj (Arrest shtëpie)
14. Kapllan Dogjani (Burg)
15. Sazan Ibra (Arrest shtëpie)
16. Mimoza Shahinaj (Arrest shtëpie)
17. Muhamet Cengu (Burg)
18. Urim Lami (Burg)
19. Rezarta Lako (Arrest shtëpie)
20. Vehbi Nerguti (Burg)
21. Xhuljana Maksutaj (Arrest shtëpie)
22. Bedri Duraku (Burg)
23. Arben Goçi (Burg)
24. Reni Dokolli (Burg)
25. Shpëtim Cenaj (Arrest shtëpie)
26. Atli Jashari (Arrest shtëpie)
27. Xhaferr Elezi (Arrest shtëpie)
Të pezulluar nga detyra:
1. Fran Kacorri
2. Arta Rredhaj
3. Avni Tershalla
4. Sule Onuzi
Report Tv ka zbardhur një pjesë të përgjimeve që çuan në pranga efektivët në pikën e kalimit kufitar në Morinë, të cilët i merrnin para në dorë qytetarëve shqiptarë e kosovarë, për të kaluar në mënyrë të parregullt kufirin. Në përgjime del edhe një bisedë mes dy efektivëve, Halim Shehu dhe Fatri Iseberi të cilët diskutojnë mbi shumat që kërkojnë. Fatriu tregon se kishte biseduar me një person, që i ka ofruar 15 mijë lekë, por se ai nuk kishte pranuar më pak se 25 mijë lekë.
Përgjimet:
Halimi: He mik
Fatriu: A te thirri?
Halimi: Jo, hala jo
Fatriu: Se ika me henger nje pilaf thashë, qe ti kallzojsh
Halimi: A… sa ndalesh?
Fatriu: Po aç dhjete mimata se… (nuk kuptohet qarte)
Fatriu: Hë
Halimi: Kambaru punë ai shoki…
Fatris: Jo bre vallakj
Halimi: Po valiaj E marr ne telefon un q tash, thush kur te afrohesh se ja çova numrin tand, emrin… Edhe…
Fatriu: Eee
Halimi: Për besë, për besë tha, kam ken në zbritje të Kçirë tha, telefoni s bejke me thirr… Po une te kom thirr dhjete here thashe bre… Une jam agjent doganor tha, kam kry pune… Thash, a përmend gje emra aty? Për kokë të djalit tha jo tha s’kam përmend emrin tand hiç, veç tha se sun u lidhem me telefon. Une thashe ta lo porosi, ta lo njerin aty bre.. Edhe (nuk kuptohet qartë) un prita Varja. Po veç kqyr ne darke nje here… Mos u permend gjo atyne se nuk del mire me ju thonë, po veç kqyr në darke nje here, a po.. (nuk kuptohet qarte) a jo.
Fatriu: Tash sa…(nuk kuptohet qarte) Hajt.
Halimi: Hajt. Shumë mas me rënë në sy jo kaloj, jo kush e ka kalu, se veç ashtu..
Fatria: Jo, jo hajt…
Fatriu: A je kund bre?
Halimi: O mik ç’e ne Lezhe vallaj jam, me dhendër, me at (nuk kuptohet qartë) patenten. C’a bone ti?
Fatriu: Aa. Hiç vallaj, kesh tu dal e takova at legenin. Engillin (keshtu degjohet), edhe
Halimi: Cilin?
Fatriu: Engillin, edhe… Erdh vetë bre…edhe si aj), tha u bofsh njeqind eursh. Jo or daj thash. Nuk o mirë qishtu thashë. I respektoi gjithe doganat e doganierët e u morr me ta e… Ku u’a q*va rropt. Shkova piva një kafe me të thash, qishtu nuk ban thash. Me m’u thashë, kur morrish dyqind e pesëdhjetë veç thashe hajde, ndrysh thash, jo. Tash une mirremedhe me këto, mirrem me ç’aq thashe…vete. A jo s’mundem tha, me njëqind e pesëdhjetë. Thashë, jo.
Halimi: Njëqind e pesëdhejtëshi nuk a keq. Gjendja ka degjeneru prape (nuk kuptohet qarte) i degjenerum.
Fatriu: Jo, njeqind e pesëdhejte tha do me mbulu dhe doganiert or ti…Jo or ti thash…
Komente
AKUZA:1-Korrupsion ne bashkepunim,2-bashkepunim indirekt ne kontrabande,3-lejim i mallrave kontrabande dhe materialeve te cilesuara si te trafikuara,4-mashtrim dhe demtim i shtetit ne lidhje me taksat e humbura nga mallrat e trafikuara,ose qe nuk plotesojne rregullat e doganes,5-bashkepunim me krimin e organizuar duke ndihmuar ne kalimin e kufirit dhe mos regjistrimin e personave te dyshimte,ose te kerkuar,6-indirekt dhe per moskallzim dhe fshehje te krimineleve,7- thyerje e kamerave dhe pergjuesve(demtim prone),8-perpjekje per te mbuluar ose devijuar hetimin dhe 9-shtremberim,ose zhdukje te provave duke thyer,demtuar kamerat e mikrofonet,10-shkelje e rende e ligjeve e rregullave kufitare e doganore te Republikes se Shqiperise.
PërgjigjuKeto jane lajme qe mund te krenohet qeveria 2 ose 3 muaj pasi te kete mare deturen, por me shume se 10 vjet qe eshte ne detyre duhet te jape dreheqjen me nje skandale te tille.
PërgjigjuJane konsumuar te gjithe elementet e vepres penale " veprime ne kuadrin e grupit te strukturuar kriminal". Nese SPAK nuk e ngre kete akuze, atehere kot i mban brenda.Ngritja e kesaj akuze do ju fuse te dridhurat te gjithe grupeve te tjera te ngjashme ne administrate. Merrni rastin e DPTRRSH te Blendi Gonxhes. Nje bande e mirefillte qe vepron hapur, pa u trembur nga askush. Kurupsioni mund te goditet vetem nese trajtohet si krim i organizuar dhe gjithashtu sekuestrimi i pasurise. Duhet vullnet por te mjeret ne...
PërgjigjuShiko bisedat e tyre dhe kupto policine e shtetit cfare intelekti kane dhe shqip nuk dine te flasin
PërgjigjuBravo hetimit te pales kosovare se po te ishte per ne nuk do merrej asnje me kete pune (tek ne ka vite e vite qe ndodh ky fenomen)por fillij hetim te perbashket pala kosovare per llogari te vet dhe e shtriu edhe ne pjesen tone...se po te ishte per ne nuk do behej kurre
PërgjigjuKalbini ne burg haidutet e popullit.
PërgjigjuBravo SPAKU bravo pse nuk shkoni tek ministrat apo Sali Berisha po hapen b... me polic duke i kap ne mbledhje VK. Edhe spaku si krimet e renda dikur kane me shku vk. Pordhet medhaja grisin breket e veta thot populli edhe kta erdhen me sh vrull do fusim ne burg qeveritar dhe ish qeveritar po meren me 10 euro policesh. Po gjygjtaret e korruptuar qe i hoqi vetingu pse si fillojn procedimin kta VK e Spakut....
PërgjigjuKshu funksionon arsimi,shendetsia,policia,gjykatat,politika...cdo hallke e ketij shteti
PërgjigjuPo shefi qe merrte pare,Frani,pse nuk eshte arrestuar.Gjithmone,shefat nuk arrestohen,vetem punonjsit e hajne.Shefat mbrohen nga shteti dhe Spaku.
PërgjigjuDhe ne sektorin e trafikut ka korrupsion dhe pa aftesi
Përgjigjupeshku qelbet nga koka kshu eshte kur mban me post drejtuese te pa afte dhe te korruptuar..ai Drejtori i Departamentit te kufirit duhet te kishte ik me kohe
PërgjigjuMerr pjesen e vet ai dhe ben nje sy qorr