Kancelari gjerman Friedrich Merz bëri thirrje për zbatim të shpejtë të marrëveshjes midis Izraelit dhe Hamasit.
"Pengjet, përfshirë disa qytetarë gjermanë, duhet më në fund t'u kthehen familjeve të tyre. Armëpushimi duhet të hyjë në fuqi dhe të stabilizohet gjatë javëve të ardhshme", deklaroi Merz.
Për më tepër, ai tha se ndihma humanitare duhet të arrijë shpejt tek popullsia e Gazës.
"Nëse këto hapa të parë të rëndësishëm drejt paqes janë të suksesshëm, do të jetë një arritje e madhe. Ne duhet të vazhdojmë në këtë rrugë", vazhdoi kancelari gjerman, duke shtuar se është e nevojshme të sqarohet se si të sigurohet siguria dhe qeverisja e qëndrueshme e enklavës.
Merz shtoi se duhet të organizohet "çarmatimi dhe tërheqja e Hamasit". Lidhur me ndihmën humanitare për popullsinë civile dhe rindërtimin e territoreve palestineze, Merz dhe ministri i Jashtëm Johann Wadephul tha se janë në kontakt të ngushtë me partnerët e tyre.
Theksoi se qeveria gjermane do të ndajë menjëherë fonde shtesë për ndihmë humanitare me një total prej 29 milionë eurosh.
Lajmi kryesor:
Gaza, armëpushimi hyn në fuqi! Trump të hënën në Izrael/ Nis afati për lirimin e pengjeve, palestinezët rikthehen në shtëpitë e tyre
Xh.D/ReportTv.al