TIRANË- Mesila Doda do të jetë deputete e pavarur në Kuvend, duke ‘tradhtuar’ kështu kreun demokrat Sali Berisha. Në zgjedhjet parlamentare të 11 majit, kreu i PD u dha aleatëve vende në listat e sigurta, duke shpërblyer edhe kreun e PDIU-së, Shpëtim Idrizin.
Por, deputetja e tij ka zgjedhur që të jetë e pavarur në Kuvend, duke refuzuar t’iu bashkohet 3 grupeve parlamentare opozitare. Nën siglën e PD-së, Mesila Doda garoi në listën e mbyllur të Tiranës, duke fituar automatikisht vendin si deputete.
Por, në ndryshim nga aleatët e tjerë, të cilët i kanë marrë PD deputetë hua për të formuar grupe parlamentare, burimet i thanë Report Tv se ajo do të jetë deputete e pavarur. Shenjën e parë të distancimit, Mesila Doda e dha në seancën e një dite më parë në Kuvend, ku mori pjesë në votim për kryesinë e komisioneve kuvendore, edhe pse opozita braktisi sallën.
Në një reagim në rrjetet sociale ajo sqaron se në zgjedhjet parlamentare të 11 majit është regjistruar si kandidate e PDIU-së, në koalicionin Aleanca për Shqipërinë Madhështore, dhe se arsyeja pse nuk u anëtarësua në asnjë grup parlamentar ishte për ruajtuar identitetin e forcës politike që përfaqëson.
"Nese do kishte qene nje grup i perbashket opozitar padyshim do isha pjese e ketij grupi. Kam qene dhe jam ne koordinim me kryetarin e grupit te PD per cdo aksion dhe qendrim politik te opozites Dashakeqeve qe sot ju “qan” zemra per opoziten mund tju them se opozita nuk ka nje deputet me pak e se qendrimet politike opozitare jane krejtesisht te koordinuara. Te mos besh pjese ne nje grup parlamentar nuk te perjashton nga opozita",- shkruan Mesila në Facebook.
Ndërkohë, Report Tv mësoi edhe emrat e grupit të tretë parlamentar të opozitës, atë të Partisë Republikane. Kreu i grupit do të jetë Fatmir Mediu, ndërsa për të formuar grupin për të cilin duhen 7 deputetë, i janë bashkuar Vangjel Dule nga PBDNJ, Artan Luku PAA, Greta Bardeli nga PD, Denisa Vata nga PD, Zija Ismaili nga PD dhe Fidel Kreka nga PD.
Mesila Doda
Deputetja Mesila Doda ka reaguar lidhur me vendimin që mori për të qenë deputete e pavarur.
Ajo sqaron se në zgjedhjet parlamentare të 11 majit është regjistruar si kandidate e PDIU-së, në koalicionin Aleanca për Shqipërinë Madhështore, dhe se arsyeja pse nuk u anëtarësua në asnjë grup parlamentar ishte për ruajtuar identitetin e forcës politike që përfaqëson.
"Meqenese po shoh nje stuhi ne gote te ngritur nga soj soj mendjesh, jam e detyruar te bej kete sqarim. Ne zgjedhjet parlamentare jam rregjistruar si deputete e PDIU-se, ne koalicionin Aleanca per Shqiperine Madheshtore. Ne konfigurimin e ri te grupeve parlamentare kam mesuar qe jane krijuar tre grupe dhe ne pamundesi per te krijuar nje grup parlamentar te PDIU-se, nuk jam rregjistruar ne grupet aktuale, por jam pjese e opozites duke ruajtur identitetin e forces politike qe perfaqesoj. Nese do kishte qene nje grup i perbashket opozitar padyshim do isha pjese e ketij grupi. Kam qene dhe jam ne koordinim me kryetarin e grupit te PD per cdo aksion dhe qendrim politik te opozites Dashakeqeve qe sot ju “qan” zemra per opoziten mund tju them se opozita nuk ka nje deputet me pak e se qendrimet politike opozitare jane krejtesisht te koordinuara. Te mos besh pjese ne nje grup parlamentar nuk te perjashton nga opozita",- shkruan Mesila në Facebook.
Mesila Doda e PDIU-së, e cila ishte në listën e sigurt të Partisë Demokratike, sot doli si deputete e pavarur, duke mos u përfshirë në asnjë grup parlamentar të opozitës.
Në lidhje me këtë vendim të saj kanë nisur edhe reagimet e para nga radhët e demokratëve. Hysen Kadiu, kryetar i degës së PD në Kavajë, thotë se i dhanë Mesila Dodës besim të pamerituar duke e vendosur në listën e sigurt, e që nga ana tjetër privuan demokratët të cilët e meritonin.
“PD ka sot një deputet më pak nga ata që u zgjodhën më 11 maj. Mesila Doda ka vendosur të vetëshpallet deputete e pavarur edhe pse ishte në listën e sigurt të PD.
Nuk ka asnjë surprizë nga ky veprim. Ajo dhe Shpëtim Idrizi kanë bërë të njëjtin akt edhe në parlamentin e shkuar. Kanë votuar sipas interesit të tyre dhe të qeverisë dhe asnjëherë nuk janë rreshtuar në front me demokratët. Ndoshta po t’u jepet mundësia do e bëjnë të njëjtën gjë edhe në zgjedhjet e ardhshme.
Sepse problemi nuk është Mesila, Shpëtimi apo modeli i tyre në politikë. Problemi qëndron tek besimi i pamerituar, tek vlerësimi dhe pozicionimi i tyre në lista të sigurta, duke privuar nga kjo e drejtë ata demokratë që e meritojnë dhe kanë luftuar për të përfaqësuar të vërtetën dhe jo hilet në parlament”, ka shkruar në Facebook, Hysen Kadiu.
Opozita shqiptare do të përfaqësohet në këtë legjislacion me tre grupe parlamentare. Pas grupit parlamentar të PD dhe grupit të PL-së, një tjetër grup parlamentar është krijuar nga radhët e opozitës.
Grupi i tretë do të ketë 7 deputetë, përfshirë katër ligjvënës nga Partia Demokratike.
Grupi do të përbëhet: Fatmir Mediu nga PR, Vangjel Dule nga PBDNJ, Greta Bardeli PD, Denisa Vata PD, Zija Ismaili PD, Artan Luku PAA dhe Fidel Kreka PD.
Komente
