Kapiteni i Argjentinës, Lionel Messi ka sponsorizuar shokun e skuadrës dhe kapitenin e Interit, Lautaro Martinez, si të denjë për të fituar "Topin e Artë".
Paraqitjet e Lautaros e kanë parë atë në listën e ngushtë për çmimin e Topit të Artë 2024, por ai nuk është një nga favoritët për çmimin që do të jepet më 28 tetor në Paris.
Megjithatë Messi i cili e ka fituar çmimin tetë herë, mendon se sulmuesi i Interit e meriton plotësisht të marrë çmimin prestigjioz.
"Ai kishte një vit spektakolar, ai shënoi në finale, ai ishte golashënuesi më i mirë në Kupë të Amerikës. Ai e meriton Topin e Artë më shumë se kushdo tjetër", tha Messi.
Lautaro do të synojë për më shumë tituj sërish këtë sezon, me Interin aktualisht në vendin e dytë në tabelën e Serie A, dy pikë prapa Napolit. Ndërkohë, Topi i Artë do të ketë një pronar të ri menjëherë pas suksesit të Messit në vitin 2023. Ylli i Real Madridit, Vinicius Jr pritet të luftojë me mesfushorin spanjoll Rodri për çmimin më të mirë individual.
