Ngjarja e pabesueshme e fëmijëve që shpëtuan të gjallë nga xhungla kolumbiane ka një hero, historia e të cilit ende nuk është shkruar. Nëse për 4 fëmijët që i mbijetuan rrëzimit të avionit dhe arritën që të dalin gjallë pas 40 ditësh nga xhungla, ka një fund të lumtur, asgjë nuk dihet për qenin Wilson. Ai është një qen belg, rreth gjashtë vjeç, një nga qentë e përdorur nga autoritete në Operacionin Esperanza’ në kërkim të personave të zhdukur pas rrëzimit të avionit më 1 maj në Guaviare në Kolumbinë jugore.
Sipas ushtrisë, Wilson ishte qeni që gjeti shishen e Cristín në mes të xhunglës, fëmija më i vogël nga të katërt, i cili mbushi një vjeç gjatë 40 ditëve që kaluara në një habitat ku bredhin jaguarët, pumat, gjarpërinjtë e të tjerë grabitqarë. Dhe vetëm pak metra nga ajo shishe u gjetën mbetjet nga avioni i rrëzuar. Më pas qeni Wilson vazhdoi të kërkonte dhe gjeti gjurmë të tjera: si mbetje frutash të kafshuara, strehimore të improvizuara, këpucë tenisi, peshqirë dhe rroba që fëmijët i lanë qëllimisht si gjurmë për t'i gjetur. Më pas që nga e mërkura e kaluar, pas lirimit të tij në një nga zonat e kërkimit, ushtria ka humbur të gjitha gjurmët e qenit.
“Hera e fundit që pamë Wilson ishte të mërkurën e kaluar, ai nuk ishte shumë larg nesh dhe ne donim të bënim gjithçka për ta rikthyer atë”, thotë një nga kujdestarët e tij. Ne kërkuam, përmes radios me të cilën po komunikonim, të mund të përdornim një shigjetë qetësuese në mënyrë që qeni të mund të qëndronte pa lëvizur, por nuk na lejuan ta bënim këtë."
Ushtria pretendon se “një nga hipotezat” për zhdukjen e qenit është se “për shkak të terrenit, lagështisë dhe kushteve të pafavorshme të motit, ai është çorientuar”. Sipas revistës “Cambio”, e cila citon gjithmonë burime ushtarake, Wilson ishte zhdukur tashmë për disa orë tre javë më parë, por më pas u kthe tek ushtarët, duke shfaqur shenja të forta dehidratimi dhe lëndime të lehta. Qeni qëndroi nën vëzhgim për disa ditë nga një veteriner në bazën San José del Guaviare. Pasi gjendja e tij u përmirësua, ai u kthye në xhungël për të kërkuar të miturit. Wilson nuk ishte aq me fat sa Ulises, një qen tjetër, i cili u tërhoq nga kërkimet në terren për shkak të problemeve shëndetësore.
Por, atëherë pse ta konsideroni atë një hero? “Ne kemi një qen të humbur dhe gjurmët e fundit tregojnë një gjurmë qeni dhe gjurmë të një fëmije. Ne besojmë se Wilson ishte me ta, edhe nëse tani qeni ka humbur.
“Do të ishte spektakolare nëse këlyshi do të kishte qenë me ta, do të ishte shoqëri e mirë”, tregoi nënkoloneli Fausto Avellaneda, kreu i misionit tokësor, në momentin e zbulimit të gjurmëve.
Pra, hipoteza që po shfaqet është se qeni në fakt i gjeti katër djemtë dhe i çoi në fshatin e afërt, ku më pas u gjetën shëndoshë e mirë.
“Misioni dhe ajo për të cilën është trajnuar është të gjejmë fëmijët. Qentë duhet vetëm të ndërveprojnë dhe në disa situata krijojnë një afrimitet të madh me fëmijët”, shpjegon kolonel Gustavo Narváez Orozco, në një intervistë për Semana.com website i Regjimentit të Forcave Speciale Nr. 1, e cila ka shumë shpresa për fatin e Wilson.
"E pamë për herë të fundit tre ditë më parë. Ne kemi besim dhe shpresë për të gjetur ‘Wilson’”.
Tani autoritetet janë fokusuar në gjendjen shëndetësore të fëmijëve, por tashmë kanë njoftuar se një grup njerëzish do të qëndrojnë në xhungël për ditët në vijim për të gjetur Wilson, qenin hero që është zhdukur./ La Repubblica
