Është një nga frikërat më të mëdha të njerëzimit dhe jo vetëm, pasi ka trembur edhe astrofizikantët dhe shkencëtarët, që po përpiqen të përgatiten për një ngjarje të mundshme, me qëllim gjetjen e zgjidhjeve shkencore për ta shmangur.
Dhe frika është se historia e zhdukjes si me dinozaurët, mund të ndodhë edhe me racën humane, pikërisht nga një asteroid apo meteor. Një ngjarje që nuk është fantashkencë dhe që Toka e ka përjetuar tashmë në të kaluarën.
Kjo është arsyeja pse agjencitë si NASA kryejnë ushtrime të goditjes së asteroideve me teknika të ndryshme (rreze apo bombardim në hapësirë), për të përcaktuar llojin e reagimit që mund të kemi ndaj një ngjarjeje të tillë.
Kohët e fundit, Administrata Kombëtare e Aeronautikës dhe Hapësirës e Shteteve të Bashkuara përfundoi një stërvitje në të cilën përfshinte përgjigjet e mundshme të vendit të saj dhe të vendeve të tjera, ndaj një skenari në të cilin një asteroid i paidentifikuar më parë zbulohet me një probabilitet 72% për t'u përplasur në Tokë.
Asteroidi në fjalë do të kalonte pas Diellit, duke e bërë të pamundur vëzhgimin nga Toka për disa muaj. Gjatë stërvitjes u përdorën edhe të dhënat nga misioni DART (testi binar i ridrejtimit të asteroideve), një teknologji që pritet të mbrojë planetin nga ndikimet e mundshme.
Vetë NASA thekson se përdorimi i kësaj teknologjie përballë një kërcënimi real do të kërkojë shumë vite planifikim.
Oficeri Emeritus i Mbrojtjes Planetare i NASA-s Lindley Johnson, theksoi se "këto rezultate do të ndihmojnë në formimin e ushtrimeve dhe studimeve të ardhshme për të siguruar që NASA dhe agjencitë e tjera qeveritare të vazhdojnë të përmirësojnë gatishmërinë e mbrojtjes planetare".
Për 100 vitet e ardhshme nuk ka asnjë përplasje të mundshme asteroidi të listuar me Tokën, por ka mijëra prej këtyre trupave qiellorë shkëmborë që i shpëtojnë shikimit tonë për shkak të efekteve të dritës së diellit.
Disa prej tyre janë aq masive sa mund të fshijnë qytete dhe madje të shkaktojnë zhdukje të mundshme për shkak të efekteve të ndikimit të tyre.
Ekziston një masë për klasifikimin e rrezikut të asteroideve, e quajtur “Shkalla e Torinos”, e cila ka gjithsej 11 nivele, që fillojnë në 0 dhe mbarojnë në 10.
Nga niveli 8 në 10 është një përplasje e sigurt dhe në të fundit dhe më katastrofike tregon se është në gjendje të shkaktojë një katastrofë klimatike globale, por që ndodh vetëm një herë në 100,000 vjet, ose dhe më shumë.
