Ndarja nga jeta e ish-senatorit amerikan Bob Dole, Vjosa Osmani: Mirënjohës që na qëndroi pranë! Kurti: Përkrahës i lirisë së Kosovës

5 Dhjetor 2021, 22:13| Përditesimi: 5 Dhjetor 2021, 22:14

  • Share

Pas ndarjes nga jeta të ish-senatorit të amerikan, Bob Dole, reagime ka patur edhe nga politikanët më të lartë në Kosovë, ku Presidentja Vjosa Osmani u shpreh se ata do t'i jenë gjithnjë mirënjohës që i ka qëndruar pranë popullit të Kosovës.

“Një hero lufte, një politikan i respektuar dhe një mbështetës i lirisë në të gjithë botën. Por në veçanti, jemi mirënjohës që ai gjithmonë ka qëndruar pranë popullit të Kosovës në luftën tonë për pavarësi. U prefsh ne paqe mik i dashur”, shkroi ajo.

Kryeministri Albin Kurti e konsideroi atë një hero amerikan dhe një përkrahës të padiskutueshëm të lirisë së Kosovës.

 “U shprehim ngushëllime të përzemërta familjes Dole dhe kombit amerikan, teksa vajtojmë dhe nderojmë një hero amerikan dhe një përkrahës të padiskutueshëm të lirisë së Kosovës. U preftë në paqe”, shkroi ai.


Lajmi kryesor:

Mbështetës i çështjes shqiptare, ndahet nga jeta ish-senatori amerikan, Bob Dole! Kim: Mbrojtës i egër i lirisë! Meta: Gjithmonë mirënjohës! Basha: Bekim i pazëvendësueshëm për kombin


  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?