Ministrja e Jashtme Olta Xhaçka ka deklaruar se vendimi për të shkëputur marrëdhëniet diplomatike me Iranin ishte drastik pasi sulmi ishte i paprovokuar. Xhaçka tha se Shqipëria është konsultuar me aleatët e NATO-s si dhe partnerët Europiane.
‘Shqipëria ka ndërprerë sot marrëdhëniet diplomatik me Republikën Isalmike të Iranit si një kundërpërgjigje ndaj sulmit kibernetik që ndodhi në korrik. Ishte një sulm i paprovokuar pa asnjë shkak kundër një vendi anëtar të NATO-s si dhe kandidat në BE. Ky përbën një hap drastik, por për fat të keq agresivitetin i sulmit dhe faktin që ky sulm ishte i paprovokuar nuk linte hapësirë për asnjë vendim tjetër. Jemi konsultuar me aleatët në NATO si partnerët Evropiane. U kemi kërkuar mbështetje për vendimmarrjen e Shqipërisë dhe për të ardhmen për të adresuar këto lloj kërcënimesh sa më mirë.’- tha Xhaçka.
Takimi në Tiranë i ministres Olta Xhaçka me ministrin holandez Wopke Hoeska e kaloi vëmendjen nga integrimi, tek sulmi kibenertik i Iranit ndaj Shqipërisë. Për ministrin holandez, rreziqet kibernetike kërkojnë një rezistencë të përbashkët.
“Dëshiroj të shpeh solidaritetin tim ndaj qeverisë dhe popullit shqiptar, lidhur me sulmet kibernetike, këto veprime janë totalisht të papranueshme pasi fokusohen tek infrastruktura dhe sistemet kritike të Shqipërisë. Të punojmë së bashku në kuadër të NATO-s dhe BE-së për të përmirësuar rezistencën tonë, për t’ju shmangur dhe për t’u mbrojtur nga sulmet kibernetike”, tha Hoeska.
Lajmi kryesor:
Urdhëruan sulmin kibernetik, Shqipëria prish marrëdhëniet diplomatike me Iranin! Rama: Kemi prova! Angazhoi 4 grupe, njëri prej tyre më famëkeqi
M.Q.//ReportTv.al