Një prej ngjarjeve më tragjike në zonën e Xarrës në Konispol është risjellë në kujtesën e banorëve pas 49 vitesh, me një ceremoni për emërtimin e rrugës së fshatit me emrin “Besim Aliu”. Në ceremoni mori pjesë kryetari i bashkisë Konispol, Ergest Dule dhe zyrtarë të tjerë lokal.
Më 3 shtator 1974, shtatë punëtorë të Ndermarrjes Pyjore, 2 burra dhe 5 gra u dogjën të gjallë, gjatë një procesi për djegien e kontrolluar të kullotave. Agim Aliu, vëllai i Besimit, njërit prej punëtorëve që humbi jetën në punë përshkruan çfarë ndodhi atë ditë.
Besim Aliu, i cili sakrifikoi jetën për të nxjerrë nga flakët kolegët e punës ishte i martuar dhe baba i 4 fëmijëve. Iliri, atëherë 5 vjeç mes lotësh kujton te atin.
Në tragjedinë e Xarrës të 3 shtatorit ’74, humbën jetën nga zjarri në Malin e Micit, Besim Aliu, Thanas Poci, Vitori Bega, Vasillo Tamushi, Sofia Poci, Keterina Gramosi, Paqeli Poci.
