Nën drejtimin e gjyqtarit Avni Sejdi, sot nis beteja gjyqësore në themel mes kompanisë. Albania Duty Free Distribution, me pronare bashkëshorten e gjyqtarit Gjin Gjoni, Elona Çaushi dhe Ministrisë së Financave, për licencën për ushtrimin e aktivitetit tregtar në ambientet Duty Free në Aeroportin e Rinasit. Ky proces ka marrë një rëndësi të veçantë, për shkak se gruaja e Gjin Gjonit kërkon me çdo kusht të kontrollojë dyqanet pa taksa në Aeroportin e Rinasit, pasi ka humbur zyrtarisht tenderin për menaxhimin e këtyre ambienteve si dhe në kushtet kur kontrata me TIA-n i ka mbarur në 27 gusht 2019. Për të arritur këtë qëllim, Elona Çaushit po i vijnë në ndihmë gjyqtarë me pasuri të dyshimtë dhe që nuk e kanë kaluar Vetingut, por edhe segmente të korruptuara të administratës publike, të cilat i kanë krijuar një alibi, duke mos e njoftuar 60 ditë para mbarimit të licencës.
Gjyqi merr një tjetër vëmendje në kushtet kur, tenderin për të menaxhuar ambientet Duty Free, që sot kontrollohen nga familja Gjoni, e ka fituar kompania amerikane International Cruise Duty Free (ICDF), ku për rrjedhojë ka lidhur edhe një kontratë me kompaninë koncesionare që menaxhon aeroportin e Rinasit (TIA). Pra kompania amerikane ka fituar tenderin dhe ka lidhur kontratën, ndërsa aktivitetin e ushtron kompania e gruas së Gjin Gjonit, falë influencave mbi gjyqësorin. Ky gjyq është gjithashtu një mesazh për të gjithë investitorët e huaj në Shqipëri si dhe për ata që synojnë të investojnë në të ardhmen.
Historiku i gjyqit të sotëm
Kompania Albania Duty Free Distribution, me pronare bashkëshorten e gjyqtarit Gjin Gjoni, pasi humbi tenderin për hapësirat Futy Free në Aeroportin e Rinasit, iu drejtua gjykatës për të vijuar kontrollin e ambienteve, pavarësisht se kontrata i mbaronte në 27 gusht 2019. Në 7 gusht, pasi ADFD i ‘dogji’ gjyqin gjyqtarit Arjan Aliaj, Mimoza Kajo-Brahimi, e cila shqyrton të njëjtën kërkesë, vendosi që kompania e Elona Çaushit të vijojë aktivitetin tregtar në Aeroportin e Rinasit, deri në zgjidhjen përfundimtare të padisë. Më tej, Albania Duty Free Distribution aplikon tek Drejtoria e Doganave për të rinovuar licencën për të ushtruar këtë aktivit.
Drejtoria e Doganave ka aplikuar për licencën e Duty Free në Aeroportin e Rinasit në datën 15 gusht, ndërsa Ministria e Financave e ka firmosur rinovimin një ditë më pas, pra në 16 gusht. Licenca është firmosur nga zëvendësministri Elton Haxhi. Por, në fund të muajit shtator 2019, Ministria e Financave i anuloi autorizimin kompanisë Albania Duty Free Distribution për ushtrimin e aktivitetit në ambientet Duty Free në Aeroportin e Rinasit. Në lojë hyn sërish gjykata. Në 8 tetor të 2019, gjyqtari Avni Sejdi, pranë Gjykatës Administrative të Shkallës së Parë Tiranë, me një vendim të ndërmjetëm ka pranuar kërkesën e Albania Duty Free Distribution për pezullimin e efekteve të vendimit të Ministrisë së Financave për anulimin e autorizimit për ushtrimin e aktivitetit në ambientet Duty Free në Aeroportin e Rinasit, deri në zgjidhjen me themel të çështjes. Sot nis procesi në themel.
Avni Sejdi pa Veting, bleu shtëpi me para dhuratë
Gjyqtari pranë Gjykatës Administrative të Shkallës së Parë Tiranë Avni Sejdi nuk i është nënshtruar ende procesi të Vetingut, për të marrë konfirmimin nëse duhet ta vijojë detyrën apo duhet të largohet nga sistemi i drejtësisë. Në vitin 2005 Sejdi ka blerë një apartament në Tiranë me vlerë 4 720 000 lekë, ku si burim të ardhurash për të justifikuar blerjen e apartamentit, ka deklaruar edhe 14 mijë euro dhuratë nga vëllezërit.
Në vitin 2009, gjyqtari Avni Sejdi deklaron 120 000 lekë të ardhura nga puna e bashkëshortes si dado e pasiguruar. Ashtu si shumë gjyqtarë të tjetër, edhe gjyqtari Sejdi ka deklaruar makinë me një çmim të caktuar, ndërsa e ka shitur më shtrenjtë disa vite më vonë. Në realitet ndodh e kundërta, pasi me kalimin e viteve makinave u bie vlera për shkak të përdorimit dhe amortizimit.
Gjyqtari Avni Sejdi
Komente
per pengim dhe humbje shoku hajdut i ap.adm kaRstriot selita do i japi dhe demshperblim, pasi nuk e ka zene gjumi naten...ooooooooooooo plera qe na mbytet dhe qe ju le kpk haleja prape ne sistem !!!
Përgjigjukush ja rinovoi licencen kur nje nga kushtet eshte pasja e nje kontrate qiraje per ambjentet me aeroportin???!!! a verifikoi Ministria e Financave kete fakt? prokuroria duhet te filloje menjehere hetimin se kush ja dha licencen? po masen e sigurimit kush ja dhe dhe bazuar ne cilet kritere te ligjit?
PërgjigjuHani e pini sa te doni sa te jete Gjin Gjoni.
PërgjigjuMbani mend kur ta fitoje gjyqin....te marri dhe demshperblim,dhe ti ndaje me ndonje te ministrise se financave!eshte histori e vjeter kjo o gjino
Përgjigju