Himarë- Nisja e sezonit veror dhe turistik ka nxitur edhe përpjekjet e pronarëve të plazheve dhe banorëve për të përfituar sa më shumë nga ky biznes sezonal, nëpërmjet zgjerimit të sipërfaqeve apo ndërtimeve pa leje provizore.
Specialistët për Hetimin e Krimeve në Komisariatin e Policisë Himarë, njoftuan sot goditjen e dy rasteve të tjera dhe referuan materiale në Prokurori për ndjekje penale të M. D. dhe A. Z.
“Ata dyshohet se në plazhin e Gjipesë kanë vendosur struktura druri të çmontueshme (përkatësisht 2 njëri dhe 1 tjetri), pa lejen e organeve kompetente”, tha policia.
Një ditë më parë edhe në Sarandë ishin goditur dy raste me vendosje platforme në plazh dhe gërmime me eskavator, në lagjen nr. 3 të qytetit.
Komento
Komente
