Hidhet shorti Champions League! Superduele që në nisje! Milan sfidon Real e Liverpool, Inter matet me Cityn e Arsenalin

Redaksia

29 Gusht, 17:56| Përditesimi: 29 Gusht, 21:14

Ka marrë formë pas shortit të hedhur këtë të enjte në Monako sezoni i ri i Champions League, i cili nis me 17 shtator me shumë super përballje. 36 ekipet pjesmarrëse kanë mësuar nga 8 rivalë, teksa 4 ndeshje do i luajnë në shtëpi dhe 4 në transfertë. Tejet interesante do jetë përbvallet e Milanit, që do matet me Real Madrid dhe Liverpool, ndërsa kundërshtarët e tjerë të ‘djallit’ janë Club Brugge, Leverkusen, Crvena Zvezda, Dinamo Zagreb, Girona dhe Bratislava.

Edhe Inter do ketë 8 kundërshtarë shumë delikat, që nisin me Leipzig dhe Manchester City nga vazon e parë, ndërsa rivalë të zikaltërve janë gjithashtu Arsenal, Leverkusen, Zrvena Zvezda, Young Boys, Monaco dhe Sparta e Pragës.

Për Juven shorti rezervoi përballje me Manchester Cityn, Leipzig, Benfikën, Club Brugge, PSV, Lille, Stuttgart dhe Aston Villan. Për kampionët në fuqi të Champions Real Madridin shorti i vuri përballë kundërshtarin e finales së sezonit të kaluar Dortmundin, ndërsa ‘galaktikët’ do sfidojnë gjithashtu Liverpoolin, Milanin, Atalantën, Salzburgun, Lilën, Stutgartin dhe Brestin.

Për Barceloën do ketë gjithashtu disa supersfida si Bayern, Dortmund, Atalanta, Benfica, Young Boys, Crvena Zvezdës, Brest dhe Monacon. Bayern ndërkohë do masë forcat me këto 8 kundërshtarë duke filluar te Paris SG dhe Barcelona nga vazo e parë dhe duke vijuar me Benfikën, Shakhtar, Dinamon e Zagrebit, Feyenoord, Slovan Bratislavën dhe Aston Villën.

Po sot u përcaktuan ndeshjet në shtëpi dhe transfertë për të gjithë pjesmarrësit, ndërsa asnjë ekip në këtë fazë të parë nuk do ketë kundërshtarë nga shteti që ai vetë është. Gjithashtu në short nuk lejohej që një ekip të ketë më shumë se dy kundërshtarë nga i njëjti shtet. Për të 36 ekipet do jetë një renditje e vetme nga vendi i parë në të 36 ku kualifikohen direkt në 1/8 nga vendi i parë deri tek i 8. Nga vendi i 9 në të 24 shkojnë në play-off, ndërsa nga vendi i 25 deri në të 36 eliminohen pa patur mundësi të shkojnë në Europa League.

Ndarja në vazo